بسم الله الرحمن الرحيم
طبعا كل البنات بيحبوا يعيشوا قصه حب رومانسيه جدا مع انهم عارفين ومتاكدين ان مفيش حب الايام دي حقيقى بس بيوهموا نفسهم وبيقتنعوا ان البنات احسن فى الحب بس انا رايى غير كده خالص انا جبتلكوا انهارده 5 اثباتات ان البنات احسن من غير الحب المهم هابطل رغى وادخل فى الموضوع
1-البنات من غير الحب هتنام بدرى وتصحى فايقه ونشيطه علشان طبعا كلنا عارفين ان البنت لما بتحب بتسهر مع حبيبها على الموبايل
2- رصيدها مش هايخلص على طول علشان طبعا البنت بتعد تتصل بحبيبها كل شويه تطمن عليه
3- دى بقى الاهم نسبه البكاء عند البنات هتنخفض من 70 % فى الاسبوع الى 30% علشان طبعا لو البنت حبيبها زعلها بتعيط عالطول وغير كده البنت بتوفر مناديل
4- البنت صحتها هتبقى كويسه وتاكل وتشرب كويس علشان اكيد لما البنت بتتخانق مع حبيبها بتحب تعيش فى جو رومانسى وتقولك مليش نفس
5- نسبه الصداع عند البنت هتقل وغير كده البرشام مش هايخلص كل شويه من البيت ماهو مش معقول محدش غيرها بيصدع ولا ايه المهم هى اكيد بتصدع لما تعد تفتكر مشاكلها وخناقتها مع حبيبها او لما تيجى تخرج معاه وتعد واقفه بالساعتين واقفه قدام الدولاب تشوف هاتلبس ايه قال يعنى هى دولابها مليان اوى او برده لما تقفل النور وتشغل الاغانى وتعيشلك فى جو رومانسى وتحسسك انها جولييت



اتمنى ان الموضوع يبقى عاجبكوا وياريت تردوا وتقولولى ايه رايكوا
وياريت تنصفونى ده اول موضوع ليا