مصر هيا امي اختي واخويا وابويا

مصر عشقها في دمي



اكيد انتم كمان بتحبوا مصر اوي زيي كده




طيب تيجوا كل واحد فينا يسال نفسه ايه الدليل بتاع حبه لمصر ده


انا عن نفسي كنت كتيير اطلع اقف في بلكونه بيتي اللي في منطقه شعبيه اوي وفي الدور الاخير واتنفس هوا الصبحيه الجميل وافكر في مصر مش بفكر في امتحاناتي ولا هاكل ايه النهارده

لأ بفكر في مصر بس وبحلم باللي ممكن اقدر اعمله ليها

بحلم ان انا اكون رئيس مصر وايه اللي ممكن اعمله ليها لو انا في الموقع الكبير ده

بتخيل وانا بدي للمعارضه حقها وبقرا كل يوم جرايد المعارضه قبل ما اقرا جرايد الحكومه

بتخيل وانا بتصل بكل مصري عنده فكره حلوه لمصر بنفسي بالتليفون واقوله تعالى ونفذ فكرتك

بتخيل وانا بعين وزراء عارف ان كل همهم هيكون مصر و ولاد مصر

بتخيل ازاي هقدر اقسم ثروات مصر على ولادها كلهم ومخليش حد تحت خط الفقر

بتخيل وانا داخل مجلس الشعب وبقول للنواب اللي فيه انا واقف قدامكم اهه حاسبوني على كل اللي عملته من ساعه ما مسكت الرئاسه

بتخيل وانا ماشي في الشارع من غير حرس ومش خايف من الناس اللي انا مديلهم حياتي علشان اخدمهم

بتخيل وانا بجري من الدوله العربيه دي للدوله الاجنبيه اللي هناك علشان اشوف مصالح مصر

بتخيل وانا جايب سفراء مصر في كل الدنيا واسألهم عملتوا ايه لاولاد مصر اللي بره

بتخيل وانا بقول بعد فترتين بس كفايه عليا اوي كده وشوفوا مين تاني عنده حاجه عايز يديها لمصر


ده اللي تخيلته يا ترى انتم تخيلتم ايه لمصر انتو كمان؟