كل عيشك واربط الحزام




اربط الحزام وارضى بقليلك
وان القليل مفيش ارضى بردو
ارضى بمفيشك
سايس امورك بعيد عن السياسه
جنب الحيط ل العو يجيلك
احمد ربك وكل فيها عيشك
ولو مش عاجبك ولع فى هدومك
وهنسد بقك وبلعومك
وتتعرى حتى من خيشك
لا تقول من حقى ولا ليا مطالب
عيش وربى العيال لافى بيت مال
ولا بيحكمك ابن الخطاب
ولا حتى على بن ابى طالب
جوه نفسك وخوفك هنفضل سجنينك
حقك علينا برشامك وحشيشك
اشرب وازنى مش حيشينك
عاوز تسرق مش هندينك
تعبد ربك فى الارض تصلى الفرض
وتمشى بالسنه تشغلنا وتتعبنا
تبقى ارهابى وهيطلع دينك