انا مصرى عربى وبعتز وافتخر
اثور ضد الزل والهوان
وان بان انى غلطان
بعتزر
انا شهامه
انا كرامه
مش بسهوله انكسر
ممكن فى يوم اغضب على وطنى
العن نظام او حزب وطنى
ويا اشق بطنه يا يشق بطنى
لكن مينفعش بلد غريبه تنحشر
من فرط فى ارضه خسر
كنت تشوفنا متشتتين
بين ماتش كوره ودين ودين
لكن جوانا متأكدين
ان هتجمعنا بسرعه حاجه مهمه
نتلم فى اللمه
كلنا عزيمه كلنا همه
والانتفاضه فينا تنتشر
نفتح صدورنا للرصاص
الله اكبر
هييجى الخلاص
ركز على القلب يا قناص
ده تاريخ جديد بيتسطر
انا جايلك ولابس جديدى
ببدله فرحى وكفنى فى ايدى
ومن دم سايل من وريدى
هكتب على فستانك اسمى الشهيد
واموت فى سبيل التحرير
يلا يا قناص من غير تفكير
اضرب وارمينى فى حضنها
انا حبيبها وانا ابنها
وانا الى هروى بدمى ارضها
وليها غيرى حبايب كتير
افرحى يا امايا متبكيش
ايه فايده انى اعيش
وانا متهان وانا مزلول
افرح يا ابويا
والى يسألك ابقى قول
بأبنى الشهيد انا بفتخر


اهداء لكل شهداء الثوره فى مصر والوطن العربى ولكل ثائر على الظلم
محمد محمود الشهير ببكار والكريتى