أزيكم يا أجمل بنات يا عروسات الركن البمبى ,,,
الانطباعات الاولى تدوووووم دى حقيقه مش مجرد كلام
يعنى الشاب اللى هييجى علشان يتقدملك هتفضل فى راسه وزهنه الفكره اللى أخدها عنك
أول مره طووووول الوقت ولو حصل نصيب أحب أقولكم أن المقابله دى عمرها ما بتتنسى منك أو منه ,,,
علشان كده همشى معاكم خطوه خطوه فى المقابله وربنا يسهل لكل البنات ,,,


_اولا قبل المقابله لازم نتفق على حاجه مهمه ,,هى انك لازم تكونى مقتنعه ان اللى جاى ده مش
جاى يتفرج عليكى ويعاين البضاعه والكلام الفارغ ده ,,لا ده حقك وحقه الشرعى انكم تشوفوا بعض
وهو كمان محطوط فى نفس الموقف فبلاش تفكرى فى الموضوع بالطريقه دى ,,

_ لازم تهدى أعصابك ومتكونيش مرتبكه ومتوتره من الموقف انتى مش بتعملى حاجه غلط دا شىء
طبيعى بيحصل لكل البنات و علشان أعصابك تكون مرتاحه لازم تكونى واخده قسط كافى من النوم ,,


_حاولى تختارى نوع اللبس العادى اللى مش متكلف ولا مبالغ فيه خليكى طبيعيه يعنى متكونيش اوفر
وحاولى تختارى الألوان اللى بتنورك ,,



_لو متعوده على وضع الميك أب حطى بس بطريقه رقيقه ومش مبالغ فيها مش عاوزاكى بلياتشوا رايح سيرك

يعنى بودره وبلاشر خفيق ,ماسكرا وجلوس ,,بلاش بقى رسومات العين والألوان الفاقعه,,عروسه بقى ,, علشان بتكون منتقضه ,,
حاولى بردوا استخدام برفان هادى يبرد شخصيتك بدون مبالغه
ولازم يكون فى ايدك الشمال منديل ورق أحتياطى علشان الطوارى أثناء الزياره ..يعنى شويه عصير وقعوا ,,العرق من الكسوف ..
وفى ايدك الشمال لان اليمين هى اللى بتسلمى بيها يا ناصحه ,,

_بلاش طبعا الكعب العالى حتى لو انتى مش طويله أوى خليكى فى الثلاته والخمسه سم
علشان فى البيت الكعب العالى بيدى ضخامه شويه ,,

_طبعا مفيش عروسه بتفتح الباب للضيوف دا أسمه هبل خليكى تقيله وبلاش جو البص من ورا الستاير والكلام ده هتتفقسى وهيبقى شكلك وحش ,,


_اما تدخلى تدخلى بوجه بشوش مبتسم و تسلمى على كل الموجودين من اليمين للشمال بما فيهم العريس طبعا ..

وتقعدى فى مكان يكون فى مواجهه العريس علشان تعرفى تشوفيه كويس مهو رأيك مهم يا ست العرايس ,,


_خلى عندك ثقه كبيره فى نفسك وجارى الحوار القائم بشكل مهذب ولائق يعنى لو الكلام فيه حاجه معجبتكيش ممكن تعبرى عن رأيك بدون فزازه فى الحوار ..وطبعا فى اول مقابله بيكون الحوار عام متقلقيش ,,



_لو حصل وكان فيه حاجه تضحك بلاش ضحكت اسماعيل ياسين خليها ابتسامه رقيقه بدون صوت ,,




_لو والدت العريس موجوده حاولى توجهلها الكلام وتفتحى معاها فى الحوار بدون مبالغه فى الحديث خليكى رزينه وبلاش اللوك لوك,,وحتى لو قالت حاجه معجبتكيش ,,وزنقتك كده ولا كده خليكى ذكيه وبلاش تستفزى ,,



_حاولى كلامك بردوا ميكنش كتير مع العريس يعنى تسمعى أكتر علشان تقدرى تحكمى على شخصيته كويس ,,ولو فيه أى نقطه معينه فى كلامه أستوقفتك حاولى تفهمى متقعديش زى البطيخه ,,أحنا فى 2011,,

_ وبلاش الطريقه الاستعراضيه فى الكلام علشان تبينى ثقافتك وتعليمك ودرايت بالحياه ,,لا خليكى بطبيعتك وطبيعتك هتكشف شخصيتك وثقافتك صدقينى,,



_لو الظروف سمحت وقعدتوا مع بعض لوحدكواوأنا مش بحبذ الحكايه دى ,,خلى كلامك عام فى أمور عامه ومتخليش الحوار ينتقل الى اشياء شخصيه ,,



_حتى لو العريس مش عاجبك بلاش تتعاملى بقله أهتمام وتقعدى زهقانه بقى وتقولى لنفسك أمتى يمشوا وكل شويه تبصى فى الساعه ,,كده عيب جدا جدا ..


_لو عجبك بقى يا قمر بلاش وهو ماشى تحسسيى كل اللى موجودين أنه عجبك واللهفه بتاعت زينات صدقى دى ,,
لآ يكفى جدا ابتسامه الرضى تكون باينه على وشك بدون مبالغه ,,


_بعد ما يمشى بقى تقعدى بينك وبين نفسك تاخدى وتدى كده علشان ده جواز مش لعبه وتفكرى مره واتنين وتصلى الاستخاره كده وتنامى ,,وربنا ييسر العسير ,,,,


_ لو مكونتيش رأى مفيش أى مانع أنك تطلبى من والدتك أن يكون فيه زياره تانيه تحاولى من خلالها أنك تأخذى قرار ,,



_لو مش مقتنعه بيه لسبب جوهرى أوعى تسمعى كلام أى حد يقولك وافقى مفيش حد يقدر يقرر غيرك ,,,



_و أخيرا خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي,,


ربنا يسهل و ييسر لكل البنات,,,