بسم الله الرحمن الرحيم


سلامو عليكو

ازيكوا يا شباب

جيتلكو النهاردة بشوية اسرار انما ايه, عجب

كلنا طبعا عارفين معظم الماركات المشهورة اللى مالية الدنيا
وعارفين اسمائها و لوجوهاتها
لكن مش عارفين اللوجو دا جه منين ولا ايه لازمته او قصته

انا بأة جيبتلكو التايهة

تعالوا نشوف






زى ماحنا شايفين, مش محتاجة اختراع و لا فهلوة
دى علامة صح
اهى بالاحمر اودامكو
صاحب الماركة دى كان بيشتغل مدرس فى الخليج ايام زمان
عجبته اوى حتة علامة صح دى
وبقى كل حاجة تقابله يروح مشخبط عليها (صح)
جزمة (صح)
شراب (صح)
تيشيرت (صح)
فلنة داخلية (برضو صح)
..... (صح برضو)
عجبه الوضع جدا قرر يشارك الناس فيه
فتح شركة و سماها Nike
يعنى صح بالانجليزى



______________





طبعا الصورة واضحة و صريحة
دى قطة
و زى ماحنا عارفين شكلها بتنط
سر النطة دى بأة يكمُن فـ ان القطط زى ماكووولنا عارفين بتحب الطيور
الصورة دى بأة بتوضح ان القطة دى كانت بتنط على بومة واقفة على فرع شجرة و مش واخدة بالها
(وطبعا البومة اتاكلت)

تخليدا بأة لذكراها
الراجل اللى شاف المنظر المروع دا قرر يفتح شركة ويسميها
PUMA

______________




الصورة دى بأمانة خدت منى تفكييير عمييييك اوى
حاولت الاقى مغزاها (الحقيقى) لحد ماجيبته

زى ماهو واضح امام حضراتكم
الصورة دى عبارة عن خط سكة حديد مقطوع

عشان كدا بيقولك اهو
Reebok ياعم الحاج
يعنى عيد حجز التذكرة بس على خط تانى عشان السكة دى مأفولة

واحد بقى اتضرر جدا من الحركة دى حلف لا يعمل شركة و يسميها بالاسم الغريب و اللوجو العجيب دا

________________________





انا لما شوفت اللوجو و الاسم الاتنين مع بعض (لوكشة واحدة)
ماصدقتش نفسى


حقيقى ماكنتش اتوقع اللى وصلتله
دى بأة المفائجة اللى هاتدمر الدنيا وهاتغير مجرى التحقيقات فى قضايا الفساد فى البلد


لاحظوا معايا و فتحوا من فضلكو
العلامة دى مش 3 اسياخ حديد مقاس 1سم ؟؟
؟؟
!!

لسة ماوصلتش؟؟؟
..
؟؟
طيب شوفو معايا الاسم كدا !!
ADID AS

افتكروا دايما ان نطقنا للكلام غير نطق الاجانب خالص (هم مش بيعرفو ينطقو صح)
ولذلك نلاقى ترجمة النطق للعربى كالتالى
ADID =حديد
AS=عز
!!!





***************************

كفاية كدا سبورت وندخل على حتة تانية





زى ماحنا شايفين
ايد ماسكة ايد
الحكاية بأة يرجع تاريخها لما قبل الثورة بكتيييييييييييييييييير
الثورة بتاعتنا احنا, بتاعة 25 يناير 2011


يا سادة دا تار قديم بين صاحب شركة
KIA motors
وواحد تانى

التانى دا طلع بحملة كابيييييييييييييرة اوى
ايد واحدة ضد شركة كيا
عشان رفضو يركبولو تليفون فى العربية بتاعته


ومن ساعتها قرر مايشتريش العربية الوحشة دى تانى وقال:
لا كيا بعد اليوم
NO KIA
بعد اليوم !!




اشوفكم مع لوجوهات تانية باذن الله