اصرف نظر
متقلش احسن ماتقول والقول يخون الي ماليك
ومايوصف القلب النابض دقات وجع
اصل الكلام اوقات يكون واصف دئيـء
وساعات يكون عاجز واوقات ينخدع
مش كل احساس ينطَبع
مش كل احزان المشاعر تنكتب
ولا كل حزن الي في قلبك كان غرز
ينفع بايدك ينخَلع
وان حتي تقدر توصفه
هيفيد بايه لو حس بيك او حس ليك مخلوق وصدق دمعتك
من فرحه مش هيسلفك
ولا م الي فيك هينقصك
ولا م الي فيك هيشيل وجع
فادت بايه الفضفضه
يمكن تريح وقتها
لكن ثواني بعدها ترجع ساعات فيها الشقى
والذكريات المؤلمه والحاضر المليان الم
يبقي انت خليك جوا فيك
يمكن سكوتك بعد مده يخلي همك يتنسا
يمكن يجيك الفرح فجاه في اي شئ مش منتظر
همك يقع
من فوق كتاف اتكسرت
حملت من همك عليها
خلتها شابت عجزت
وازاي يشيل السطر لو عاوز تقول
لو حتي تقدر بالكلام توصف مافيك
السطر منه هينحني
وهيتني مكسور من الحزن الي سابغ كلمتك
يبقي انت خليك جوا فيك
يمكن سكوتك بعد مده يخلي همك يتنسا
يمكن يجيك الفرح فجاه في اي شئ مش منتظر
يادي القدر
عاجبك كدا
ادينا قولنا والكلام تاني طلع
جرجرتني وخلتني ليه فضفضتلك
حسيت ياقلبي انك كويس بعدها؟
لا مفتكرش انك كدا
اخرتها ايه
لما الكلام يطلع مابين الضلع يدخل تاني فيه
كلمنا تاني نفسنا
وان حس بيا وحس بيك مخلوق وصدق دمعتك
من فرحه مش هيسلفك ولا م الي فيك هينقصك ولا م الي فيك هيشيل وجع
يبقي انت خليك جوا فيك
يمكن سكوتك بعد مده يخلي همك يتنسا
يمكن يجيك الفرح فجاه في اي شئ مش منتظر
فـ اصرف نظر
منقوووووووول