انكتبت عليا الآه


يا جزيرة العشاق على فين توديني


على فرح ولا عذاب ناويه هترميني


طب ردي باي كلام يمكن يهديني


بمر ولا عذاب راح ناويه ترميني


منا انكتبت عليا الآه والبسمه تعاديني


ويبقى البكى والحزن اصحاب تناديني


واعيش انا للحب والحب يرميني


لو فاكره ان الجرح في القلب يأذيني


غلطانه في تقديرك ده لموتي يوديني


متردي على قلبي ردي وجاوبيني


يا جزيرة العشاق على فين توديني


لو ناويه على فرحي طب ليه تبكيني


ولو ناويه على جرحي ردي وجاوبيني


منيش حمل المرار لو بيه هتسقيني


ريقي خلاص ارتاح من سمك المعسول


ومن خمرك الماسخ قلبي خلاص مسطول


ده لسه هواها جوايا وعشقي ليها مفتول


منا عشت ليها زمان فرح وهوى وشجون


وحميت انا حبي وعشت ليها شمشون


وبحرك الهادي بنيت انا الاسطول


ووعدي كان باقي لو مهما عمري يطول


هديتي فوق معبدك مع اني انا شمشون


وفي بحرك الهادي اتهد ليه الاسطول


منيش حمل العذاب تاني رايداني ليه مذلول


كتر الجراح خليتني واقف بسيف مسلول


اصد بيه الهوى والحب مهما يكون


راح أكون انا وحدي كفياني كتر شجون


وكفايه ان الناس شايفاني واد مجنون


ماشي بردد كلام كله جنون في جنون


منا ظنتني ليها النني وظنتها ليا جفون


وكان يردد لساني بيها هوايا يكون


وكنت اردد اغاني بيكي انا مفتون


خلاص انا نسيتك.ازاي انا نسيتك؟


طب دمعي ليه كده بينزف وانا بكتب المكتوب


وليه دمعي عالورق نازل كده ومسكوب


اعقل يا قلبي بقى هوه انت ليه مسلوب


يفضل فوقيك الهوى وتفضل كده مغلوب


هوه الهوى يا قلوب ليه ماشي بالمقلوب


وليه دايما كده نجمي في سماها يدوب


وليه الحنين جوايا مسروق كده ومنهوب


ضيعت حقه بايدي لقلوب ما ليها قلوب


ليها النسيان والجفا وغصب عني بدوب


مع ان فيه غيرها في قلبها حطاني


وجفنها الأكحل في البرد دفانـــــي


ورمشها في الحر من نسمه هواني


ودمعها من الفرح طيبني وسقانــي


دمعها اللي بيترجى اوعى تنسانـــي


اوعاك تمشي تسيبني واغرق في احزاني


وبردو بسيبها وببعد والاقيها محوطاني


مهو غصب عني يا قمره هيه اللي ملكاني


ملكت قلبي وعقلي ومالكه كل وجداني


بصرخ بمليون آآآآآآآه ايوه انتي حباني


لكن هوايا العمي في الجرح وداني


سامحيني يا أحلى حياه كان نفسي يوم فيها


كان نفسي لو ساعه بس تكون بيها


لو كنت بس اعرفك من قبل ما اعرفها واردد اغانيها


كنت هكون ليكي وعمري وا أكون ليها


لكن هوايا سبق حبك سابك وراح ليها


دا لسه الهوا جوايا بيصرخ يناديها


مش ذنبي اني ضعيف او اني بموت فيها


او اني لمست الهوا بملمس اياديها


او اني نظرت الشوق بنظره من عنيها


او اني واني وبردو لأني بتنفس الهوا بيها


يا ريت تسامحيني لانك عشقتيني وعشقي مال ليها