اولا السلام عليكم ورحمه الله وبركاته
وحشتونى جدااااااااااااااااااااااا اااااااا
طبعا انا مش جديده وفى نفس الوقت اعتبر جديده
اقولكم ازاى انا شاركت معاكم من مده بس كانت مشاركه بسيطه وبعدها غبت كتير ودلوقتى رجعت
فى الاول عاوزه ترحيب جامد وبعد كده عاوزه الكل يقولى حمدلله ع السلامه عارفين ليه؟
لان هو ده اللى انا داخله اكلم عنه النهارده
انا كنت عامله حادثه اول مارس ولسه خارجه من المشتشفى بقالى اسبوع
الحمدلله انا بحمد ربنا مليون مره فى الدقيقه لان تقريبا نص اللى كان معانا فى العربيه ماتوا
اللى انا عاوزه اقوله هو الاحساس بالموت حد جرب الاحساس ده قبل كده؟
عارفين لما توصل لدرجه انك تتمنى الموت فعلا علشان الرعب اللى انت فيه ده يخلص
انا كنت حاسه بكده
خلاص حاسس انك بينك وبين قبرك خطوه
ياااااااااااااااااااااااا ااااااااااااااااااااه هو ده فعلا اصعب احساس فى الدنيا؟
علشان كده لازم كلنا نقف مع نفسنا من جديد ونبص ع اللى فات من عمرنا كان عامل ازاى؟
لانه قريب اوى اقصد الموت طبعا
ربنا يبارك فى عمركم بس لازم نعمل حسابنا عليه عارفه ان الكل هيقول احنا عارفين كده وعملين حسابنا بس والله اللى جرب غير اللى مجربش تماما ربنا يبعد عنكم الشر انا بس بقول كده علشان بحبكم وخايفه عليكم وحابه انبهكم علشان كده اخترت الاسم ده للموضوع