إلتفت الأسرة حول فراش الزعيم وهو يلفظ أنفاسه الأخيرة ... قال الزعيم بصوت ضعيف ولكنه حازم فى نفس الوقت

كلكم موجودين؟ -

سوزي: أيوه ياحبيبي.. أنا جنبك أهو.. وأدي جيمي وعالوله.. قمرين دول ولا عينين؟

الزعيم: طب إسمعوا اللي حقوله كويس

جيمي: سامعينك يابابا.. إتكلم

الزعيم: مصر دي كنز ياولاد.. إمسكوا فيها بإيديكم وسنانكم.. بنسرق فيها بقالنا سنين وسنين ولسه بتدّينا

عالولة: هيّا دي البركة اللي بيقولوا عليها يابابا

الزعيم: أيوه يابني.. ربنا يبارك لكم ولعيالكم فيها.. ودلوقتي إسمعوني

عالولة: إنت على الهوا يابابا.. إتكلم

الزعيم: أنا مش مديون لحد ياولاد.. يعني أى واحد يصيع عليكم ويقول لكم أبوكم كان مستلف مني فلوس تفّوا فى وشه على طول

عالولة: إطّمن يابابا ... حرامي على حرامي ما يلعبش

الزعيم: أنا سيبت لكم ياولاد اللي يكفيكم إنتوا وعيالكم وعيال عيالكم ويفيض.. فلوس متلتلة متتعدش..

مش ح اقولكم حافظوا عليها وبس.. لاااااا.. زوّدوها كمان وكمان لجل ما روحي ترتاح وأنا فى تربتي

جيمي: هيا الفلوس اللى إنته عملتها يابابا دى بتسميها فلوس..

شوفني أنا وعالولة ح نعمل إيه.. ولاّ صحيح حتشوفنا إزاي.. عموماً ما تقلقش

الزعيم: ودلوقتي إسمعوا وصيتي.. الحكم لأولاد العائلة فقط.. لازم أول ما جيمي يحلف اليمين تغيّروا إسم مصر

وترجعوه زي ما كان زمان أيام الملك فاروق والملكة نازلي(المملكة المصرية)

جيمي: مفهوم يابابا.. خش في اللي بعده

الزعيم: الجيش والشرطة والأزهر.. أوعوا واحد من التلاتة دول يخرج عن طوعكم أبداً

عالولة: مفهوم برضه.. اللي بعده.. ياساتر ده إنته ملل

سوزي: عيب ياعالولة لما تكلم أبوك كده

عالولة: بهزّر ياماما :]

الزعيم: الهرم لأم العيال.. ليكى ياسوزي بعد ماخدمتينى بتفاني وإخلاص طول السنين دى

سوزي: هرم !!!!!!!.. هيا دي آخرة صبري !!!.. وده يسوى كام ده؟

عالولة وهو يمسك بالألة الحاسبة: يسوى كتير ياماما.. لو تحبي أتصرّفلك فيه ممكن يعمل معاكي مبلغ كويس

سوزي: مش ح أرضى باأقل من التلات أهرامات وأبو الهول

الزعيم: مش خسارة فيكى ياغالية..

أثار النوبة لعالولة.. والأقصر لجيمي..

ودلوقتى نيجي للميّه.. الساحل الشمالى لعالولة والبحر الأحمر لجيمي

وقناة السويس تخصّصوا دخلها صدقة جارية على روحي

سوزي: إنت أكيد مجنون.. مليار ونص دولار صدقة جارية على روحك؟

جيمي: ما تاخديش على كلامه ياماما.. ده يبقى كتير لو طلعنا 100 ولا 200 جنيه على روحه للفقرا

عالولة وهو يمسك بالألة الحاسبة: ممكن نطلّع لحد ألف جنيه ياجمال.. السيولة تسمح /wik

الزعيم: أوعوا تفرّطوا في حبيب العادلي من بعدي ياولاد.. حبيب قلبه ميت وإيده طرشه.. وهوه ده اللي ينفع مع الغجر اللي هنا

جيمي: بس ما بيعجبنيش شنبه يابابا

الزعيم: إنتي مالك ومال أم شنبه.. إحنا بنشترى مجرم

جيمي: أعاهدك يابابا إنى حخليه معايا ومش حفرط فيه أبداً

الزعيم: الشيخ طنطاوي ياولاد راجل بركة.. يمين يمين شمال شمال.. أوعوا تفرطوا فيه..

بس ما تخلوهوش يصلي عليّا لأني بصراحة مش متأكد إن كان ربنا حيقبل منه ولاّ لأ

عالولة: ولا يهمك يابابا.. ح أخلي أونكل كمال الشاذلي يصلي عليك

الزعيم: والله لو عملتها ياعالولة لأكون متبرّي منك إلى يوم الدين

عالولة: بهزر معاك يابابا.. أونكل كمال مش حافظ الفاتحة اساسا /wik

الزعيم: المشير طنطاوى ياولاد.. مش ح أوصيكم عليه.. الراجل ده طول الوقت حاطط وشه فى الأرض وعمره ما

استجرى يرفع عينه فيّا.. وفي نفس الوقت ماسك الجيش بإيد من حديد

سوزي: هوّ فعلاً خجول وكل ما يشوفنى ما يقوليش غير ياست هانم.. إبقى خليه معاك ياجيمي

جيمي: حاضر ياماما

الزعيم: عايز جنازتي ياولاد الناس تحكي وتتحاكى عنها.. هاتوا المخرج الإيطالي ده اللي إسمه مكافيللى يصورها

عالولة وهو يمسك بالألة الحاسبة: هوه حيكلّفنا كتير.. لكن ممكن فى الأخر نلم مبلغ معقول لو خلينا شركة

أجنبية تحتكر حق توزيع الفيديو فى أوروبا وأمريكا

الزعيم: عايز أحلى مدفع يشيل النعش ياولاد

جيمي: مدفع رشاش؟

سوزي: الهزار مش فى الحاجات دي ياجيمي

جيمي: آسف ياماما

الزعيم: عايز أدفن فى شرم الشيخ ياولاد جنب أولمرت وشارون

عالولة: بلاش كفر مصيلحة يعني؟

الزعيم: لأ كلها براغيت ياعالولة.. وإسم شرم الشيخ كمان أشيك بكتير

*****
تنويـــه
:
القصة والأحــداث خيالية.. وأي تشـابه في الأسماء أو الشخصيات يُعد من قِبل المصادفة لا أكثر
وماأكثـر المصـادفات..



يالهووووووووووووووووووووو ووووووووووووووووووووووووو ووووووووووووااااااااااااا ااااااااااااااااااااااااا ااااااااااااااااااااااااا ااااااااااااااااي