كان بقالي كتيير اوي بسال عن سر تدهور التعليم الازهري وليه هوه مش مواكب لاقل نظم التعليم البسيطه والمطبقه في المدارس الخارجيه (التربيه والتعليم) وده لدرجهاني كنت في معهد

نموذجي وفي حياتي كلها ممتحنتش امتحان عملي واحد ومدخلتش معمل العلوم الا لما كنت في ثانيه ثانوي

من كام يوم كده عرفت ان شيخ الازهر بياخد 10% من كل مبلغ يورده لخزينه الدوله على انها فائض عن احتياجات الازهر.

طبعا مصدقتش وقلت انا لازم انخور ورا الموضوع واللي لقيته كان كارثه بجميع المقاييس.

تخيلوا ان مدير المعهد لما بيبعت مبلغ على انه فائض عن ميزانيه المعهد بياخد هوه كمان 10% من المبلغ اللي هوه ورده.


وبعد كده رئيس قطاع المعاهد في المنطقه بعد ما يجمع الفائض من المعاهد الازهريه في منطقته ويورده ياخد هوه كمان 10% من المبلغ.

وبعد كده القطاع المركزي في القاهره يجمع من مناطق الجمهوريه وييجي يورد ياخد رئيس القطاع 10% من المبلغ.

وبعد كده لما المشيخه تاخد منهم علشان تورد لخزينه الدوله ياخد شيخ الازهر 10% هوه كمان من المبلغ.


ايه رايكم هل انا بعد ده كله اسال التعليم الازهري باظ من ايه


ايه رايكم انتم هوه باظ من ايه