السلام عليكم ورحمته وبركاته
ازيكو يا كل النجعاويه
واحشتوني خالص من زمان مش بكتب مواضيع
وجه في بالي موضوع كده عشان انا بمر بيه فقولت يكون الموضوع ده متجدد
والكل يشارك فيه شباب النجع بما انه رجال (يقولو وجهه نظر الرجال)
وستات وبنات النجع (يقولو وجه نظر الستات)
الموضوع انا عارفه انه لسه مش واضح
بس الموضوع اللي انا اقصده
ان كل واحده متجوزه او مخطوبه او حتي راجل متجوز او خاطب
وعاوز يعرف ازاي يتصرف في موقف حصل بينه وبين خطيبته او مراته يجي هنا ونشاور بعض
وكذلك البنات والستات
وانا هبدألكو بمشكلتي
طبعا انتو عارفين اني لسه متجوزه جديد
وحاسه ان سنه اولي جواز دي صعبه حبتين تلاته
يعني انا اتخطبت سنتين ونص وعرفت جوزي كويس جدا
وبعد الجواز لقيت ان الدنيا مختلفه تماما
يعني قبل الجواز كان يقولي اي حاجه بتعمليها بحبها ولو مش بحبها هحبها (شكله كان جر رجل)
وبعد الجواز الموضوع اختلف بيحشر نفسه معايا في المطبخ في كل حاجه
وعاداته وتقاليده في الاكل والمطبخ مش زي وانا حابه اني اعوده علي اكلي وحاجتي انا
لما نتكلم ونتناقش في كده يحس اني عاوزه امشيه علي مزاجي وهو راجل
ميحبش ان الست تقوله يعمل ايه او يحب ايه
هو طيب جدا وبعد ميعارضني كتير وانا انسي الموضوع هو بيعمل اللي انا عاوزاه
بس بيبقي لزمتها ايه من الاول
حاسه ان كل المواضيع اللي في القسم ده نظري بحت مش عارفه مش ينفع تتطبق
ازاي تكسبي عقل جوزك ازاي تكسبي قلب جوزك كله كلام نظري
لان الراجل برده عنيد جدا
فتعالو بقيي نثبت الموضوع ده ونساعد بعض في مشاكلنا كلنا
ونعطي لبعض خبراتنا