السلام عليكم ورحمته وبركاته
الموضوع هدخل فيه علي طول لاني بصراحه بجد بجد مستغربه جدا اننا وصلنا للدرجه دي
اولا انا بسكن في مكان الي حد كبيييييييير متحفظين فيه علي العادات والتقاليد المصريه القديمه اوي
يعني لما كنت بتفرج علي مسلسل واحده خانت جوزها واحده اغتصبت واحده اتجوزت عرفي
اقول كل ده خيال المؤلف ومفيش منه في الحقيقه لاني مش بشوف ده عندنا
فمره واحده الاقي اكتر من حاله قتل واحد بيقتل جوز واحده عشان بيحبها
ايه المهزله دي واحده اتطلقت من جوزها عشان اكتشف ان من خلال شغلها اتعرفت علي فلان وعجبها
ايه القرف ده
احنا فعلا وصلنا للدرجه دي خيانه وقتل وحب هو ده يبقي اسمه حب
طبعا اعتقد ان الفتره اللي فاتت مسلسل العشق الممنوع التركي اللي حلقاته 200 حلقه ليه دخل كتير في الانحطاط الاخلاقي ده مخلي الخيانه شيء عادي ده البطل والبطله هما اللي واخدين البطوله في الخيانه والناس متعاطفه اوي معاها لما تكون عاوزاه يكون معاها وهي مع جوزها ايه الحوار القرف ده
بجد انا بقيت مش عارفه طيب
العيب علي مين؟
ولا الدنيا هي اللي صح وكده الناس عادي؟
ولا العيب علي الست انها اصلا تخرج من بيتها وتشتغل؟
ولا العيب من الراجل اللي مش بيدي جزء بسيط من وقته لبيته وزوجته بعد الشغل؟
ولا العيب في المدنيه والتحضر؟
ولا العيب في الانفتاح؟
حد يقولي ارجوكم