الصلاة والسلام علي خير البشر فى العالمين، محمد صلى الله عليه وعلى اله وصحبه ومن تبعه الى يوم الدين

اما بعد
الاخوة الاحبه ، :-
احب اعرفكم بموضوعى الجديد ..

العلمانية .. من غير كلام مقلبظ ومبعلظ ومجعلظ
العلمانيه هانعرفها بسهووووووووووله ، وكأنها حكاية بالعاميه
علشان اما نلاقى واحد/ه امور/ة يقول العلمانيه تنفع تبقى فى الاسلام نعرف نرد عليه/ا ..
واما تلاقى واحد علماني ، يقول العلمانية جاية من العلم ، يعنى تعتمد على العلم .. تعرف ترد عليه، وتعرفه انه غلط ، والكلام دا فرض عليك/ى انك تعرف/يه ، حماية لفكر الاسلام الفطرى الطبيعي ، اللى اتخلق عليه الكون .. واللى بيعترف بيه اللى بيهتدى للسلام واللى بيعرف انه كان غلط وانه الاسلام هو الصح
امشى معايا كلمة كلمة .. انا هاشرحها كلمة كلمة ، ونرد عليها بالقرآن .. والسنه ونعرف مين الصح .. بعيدا دلوقتى عن انها صح او غلط هاناخدها نقط ونتعرف عليها :- ..

العلمانية .. Secularism‏
هى فصل الدين عن الدولة
بس كدا
علشان اما حد ييجي يكلمك عن العلمانيه انها مش بالسوء دا .. تقولى له انه تعريييييفها
فصل الدين عن الدولة ..
طب .. احنا ليه نرفض ان الدين ينفصل عن الدولة ؟؟


مصطفى كمال اتاتورك
مين مصطفى كمال اتاتورك ؟؟
مصطفى اتاتورك ، المعروف بأتاتورك على طول .. دا واحد تركى ، اتولد فى منطقة فى تركيه كانت تابعه للدولة العثمانيه ((وطبعا احنا عارفين ان الدولة العثمانية كانت مقرها تركيا))
طب وبعدين ؟؟
مين هو ؟؟
الراجل دا علمانى كل اللى همه فى تركيا انه يحولها دولة علمانيه بأى شكل من الاشكال .. لدرجة انه فى ناس شككت فى كونه ديني اصلا ، ناس قالت عليه لاديني .. يعنى لا يحمل اى ديانه فى قلبه ، لا يعتبر مسلم او مسيحي او حتى يهودى !!
وفى ناس قالت انه ممكن يكون ملحد ، يعنى لا يؤمن بالله !!
ايه دا ايه دا كله ، ليه كدا ، هو عمل ايه ؟؟؟؟؟
حول تركيا لدولة علمانيه ، مع انها فيها اكتر من 99 % من السكان مسلمين !!
((ما بالك بسهولة دا فى مصر وهى فيها نسبه 96% من السكان مسلمين ؟؟))
المهم
يأخذ علية البعض ما يلي:
  • إلغاء للخلافة الإسلامية
  • إلغاء الشريعة الإسلامية من المؤسسة التشريعية ((اول مظهر من مظاهر فصل الدين عن الدولة))
  • شنّ حملة تصفية شملت العديد من رموز الدين والمحافظين بادعاء مشاركتهم في محاولة اغتياله. ((علشان يصفاله الجو .. وامحدش يقوله انت بتعمل ايه))
  • ‏إلغاء الخلافة وفصل الدين عن الدولة‏. ((تبقى تركيا بلد علمانيه))
  • ‏منع اللّباس الإسلامي. ((النقاب والخمار ، وسمح بالحجاب ؛لأنه حرية شخصية>> دا على اساس انه دين ابوه ، يلغى ويحط اللى هو عايزه ))
  • منع تعدد الزوجات. ((علشان يبقى زى الدول المتقدمة ، اللى بتمشى بـــ الانجيل ، وتقول احنا علمانييين ،وهايتم التفصيل فى النقطة دى))
  • ألغى وزارتي الأوقاف والمحاكم الشرعية. ((وبكدا يبقى خلص على الدين تماما فى الدولة))
  • ‏استخدام الحروف اللاتينية بدلا من العربية في كتابة اللغة التركية عام 1928.
  • منع الاذان بالغه العربيه وطلب الاذان ان يكون بالتركيه مما أدى إلى اثاره الشارع التركي عليه الذي هو بالاصل شعب إسلامي ((مش بقولكم دين ابوه ، علشان يعمل فيه اللى هو عايزة ؟)
النص دا انا جايباه من ويكيبيديا ..

وبكدا انتو اللى تحكمو عليه !!

هى دى بقى العلمانيه .. طب هما ليه عملوا العلمانيه دى ، واللى فكر فيها ، فكر فيها ليه ؟؟؟؟

جــ :- تعالو اقولكم على حاجه ، لما حد ييجي يعرف كلمة علمانيه هايقولك :-
هى فصل الدين عن الدولة ((وعرفنا معناها))
وتانى جزء هى :- عدم اجبار اى احد على الاعتقاد فى اى دين
طب ، دا ايه يعنى ، ماهو دا الطبيعي فى الاسلام ، عدم اجبار اى احد على الاعتقاد بالاسلام او بغيره ، من المعتقدات او الافكار ، فى الاسلام انت بتدعوه لشئ معين وخلاص




ماهو .. لا اكراه فى الدين !! .. قد تبين الرشد من الغي .. الحلال بين والحرام بين
الصحيح بين ، والخطا بين ..
والايه مفسرة اللى بعد كدا، ليه العلمانيه يعنى ، ماهى الحرية موجوده فى الاسلام !!
دا الجزء التانى فى التعريف ، تعريف العلمانية !!
تالت حاجه :-
انه العلمانيه بتدعوا الى التعرف على المخلوقات بطريقة علمية اكتر من الطريقة الروحية .. يعنى الكون نتعرف عليه بطريقة علمية وبس .. العلم هو الطريق .. لا الدين
طب بالنسبة للأسلام
نرد على النقطة دى
فى سنه تالته اعدادى النص الاول بيتهيألى كان فى كام درس كدا عن الكون .. ونشأته
اقصد انه المفروض انه كلنا عارفينها
بيقولك :- انه الكون بدايته انفجار غظيم .. وانه كان عباره عن كره ضئيلة الحجم عالية الضغظ والحرارة تصل الى بلايين الدرجات المئوية .. واكتر
وانفجرت عملت كون .. كواكب ، اقمار ، نجوم ، مجرات ، عناقيد المجرات . وغيرها
المهم
الناس توصلت لدا من ناحية العلم ، وبالعلم قدروا انهم يوصلوا لدا
دكتور زغلول النجار العالم الاسلامى الكبير ، رحمه الله:-

زغلول النجار

قال فى حلقة من حلقات قناة اقرأ اللى بتعرض كل يوم تقريبا فى وقت العصر
انه الكلام دا خلى واحد عالم كبير ، اللى كان من الباحثين الكبااااااار جدا ((والله لا اذكر اسمه)) فى مجال الكون ، وانه كان من المعتقدين بالفكرة بتاعة الانفجار العظيم الكونى دا
خلاه يسلم !! ليه ؟؟
اصله لقى الكلام دا موجود فى القرآن ، وانهم اللى بقالهم اد ايه بيحاولو يلاقوا ايه اللى خلى الكون دا يبقى كدا ، الكلام دا معروف من حوالى 1400 سنه !!
اه
عارفين الايه فى سورة الانبياء رقم 30






رتقا :-يعنى كورة ضئيلة الحجم ، وفتق :- يعنى انفجر
تخيلو دى ؟؟
موجوده فى القرآن .. طب ما هو احنا لو كنا تدبرنا القرآن من الاول ، كنا هانفهم الموضوع دا !
ولا ايه ؟؟
ادى اخرة مشينا ورا العلم بس ،، بدون القرآن او الدين .. دا فى الاسلام
مش بقول نكتفى بالدين ، ولكن العلم ويا الدين يقويان بعضهما البعض .. فاهميني ؟؟
طب
بس كدا
لا
اقولكم على حاجه كمان
ليها علاقة بالفضاء
العلماء كانو بيفكروا فى بداية الكون ونشأته .. ففكرو فى نهاية الكون
ناس منهم قالوا :- انه هايكون بيتمدد ، يتمدد ، يتمدد لحد لا نهايه
ودى اسمها نظرية الكون المفتوح ، وليها شرح طويل دا مش موضوعنا دلوقتى
وناس تانيه قالت انه :- هايكون بيتمدد يتمدد لحد ما يوصل لنقطة معينه ويرجع يقل تدريجيا ، وتتقفل السماء على بعضها ، وترجع كورة تاني .. عالية الضغط والحرارة ، وتنفجر تانى !!
اقولكم على حاجه
الكلام دا موجود فى نهاية سورة الانبياء برضه .. !


نفس الكلام ..
العلماء اكتشفوا حاجتين
1- نظرية الكون المفتوح
1- نظرية الكون المغلق ((الموجوده فى كتاب عمره 1400 سنه)) يقال انه كلام الله
يبقى انهى الصح ، وانهى دين هو الصح
الكلام اللى انا بشرحه دا بس ، بشرح اد ايه التعريف ، تعريف العلمانيه هو تعريف غلط ، لا يحتاج له الاسلام !!
وانه موجود فى الاسلام مبادئه الصحيحه الفطريه ، موجوده فى الاسلام
يبقى ليه هو هنا فى الاسلام ؟؟
===========
نرجع لسؤالكم اللى طولت عليه اوى اوى اوى دا
المصطلح نفسه بيقولك :- الاهتمام بالقضايا (الارضيه) فحسب ..يعنى مالكيش دعوة بالروحية بلا نيله ، خلينا فى اللى احنا فيه
دا واحد من الناس اللى دعت لــ ((فصل الدين عن الدولة))

جون لوك

فيلسوف انجليزي ، جون لوك ، دا واحد من اللى دعو لفصل الدين عن الدولة ، انجليزي
انجليزي
مش اقصد بالانجليزي هنا ، انه من الفرنج مثلا ولكن انا عايزة ارجع بيكم لورا
مش ورا الكنبه ، ورا فى العصور الوسطى ..
اشرحهالكم ، بقدر قراتى عنها .. الحمد لله قريت عنها كتير



الكنيسة كانت حاكمة اوروبا فى الوقت دا .. وكان البابا هو الحاكم الاول والاخير للبلاد الاوروبيه .. العصور الوسطى بالنسبة لأوروبا هى عصور اضمحلال كبير جدا وتخلف ويمكن نقول انها كانت لابشرية ، لأنه البشر عنده دماغ بيستخدمه ، لكن هما ؟؟
الدين كان الحاكم الاول والاخير
وكان عندهم ميت الف انجيل ، وعلى حسب اللى الكنيسه تحبه تجيبه
لحد ما عملوا مؤتمر كبير اسمه نقدوفا ، قدوفا ، حاجه كدا يعنى
وجابوا فيه الاف الاناجيل ، واختارو اربعه ، هما دول الباقيين لغاية دلوقتى..
لوقا ، متى ، مرقس ، يوحنا
هى دى الاناجيل اللى هما مؤمنين بيها
اقولكم مثال من امثلة التخلف فى العصر دا ؟؟
.
.
.
كان فى حاكم من الحكام ، اللى هما الباباوات .. يعنى
غلط فى غلطة ، كان حكم على حد حكم غلط ، والناس عارضته لكن هو ركب دماغه ، وطبعا ماحدش يقدر يفتح بؤه ، اصل دا البابا .. مش بيغلط
جه اللى بعده اما الراجل دا مات ، راح مطلع (رفاته) من القبر ، وحطه على كرسى المتهم ، وحاكمه ، وبعدين دخله قبره تانى، علشان يعرف الناس اد ايه هو عادل، وانه العدل لازم يكون موجود حتى لو مات الانسان .. دا دليل على عدم الايمان بالاخره ، واسمهم مؤمنين!!


بعد كدا جه العصر الفيكتورى .. اللى كان الملك فيه الملكة فيكتوريا ملكة بريطانيا
وابتدى الالحاد يدخل البلاد ، شوفوا من ايه الى ايه ، من دين وتمسك بيه ، لألحاد وعدم ايمان بالله !!
شوية شوية وابتدت النهضه
اه
اقولكم على حاجه تانيه
...
.
.
.
عارفين اول واحد قال انه الارض كروية ، اتقتل !!
حشدوا الناس فى اوروبا ، لا اذكر الدولة (غالبا) فرنسا
وجابوه من فوق كنيسة ، ورموه ، لييييييييه ؟؟
اصل فى الدين بتاعهم .. فى الانجيل
الارض مسطحه مش كروية
مع انها موجوده فى القرآن ، ودا دليل على انهم حمير كبار جدا
المهم انهم لما شافوا التنوير اللى كان فى بلاد العرب

ابتدوا يفكرو بعقلهم وسابو الدين ، منهم كتير جدا لما ابتدى يفكر ابتدى يوصل للالحاد ، عارفين انتو لما يفضل طول عمره حمار مخطط ومش بيفكر ، واول ما يحاول يفكر يتقلب حمار بلدى ، اهه هما عمله كدا
فكرو فكرو ، لحد ما وصلو للألحاد
وبعدين
فكرو ، ازاى ما نرجعش تانى للبلاوى دى تانى !! البلاوى بتاعة العصور الوسطى
وفكرو فى سبب الاضمحلال والتخلف دا !!
لاقوه ، الدين ،
وقالو:- نخلى الدين فى نفوسنا ، والسياسة والدولة حاجه تانيه !!
وجت فكرة العلمانيه من هنا !!
الجدير بالذكر انه فى واحد اسمه ابن الرشد لو حد يعرفه
اندلسى ، عربى ، مسلم
فكر فى فكرة اوروبا .. ولقى انه الافضل انه يفصل الدين عن الدولة ووضع كتب فيها اسس العلمانيه ، دون ذكر اسمها ، لأنه كان الفكرة اصلا مرفوضه جدا
وبرضه جه واحد تانى بعديه بس مش عربى ولا مسلم ولكن هو دا اللى بلور الفكرة ، نادى بفصل الحياه الزمنيه ((الارضية يعنى)) عن الروحية ..
والدولة ، عن الكنيسة

بالعقل
انهى حد الناس تقبلت فكره ؟
التانى طبعا
ليه
لأنه الناس كانت لمسه بأديها التخلف والحماقة الماضية ، وبالتالى هى مش عاوزة ترجع لدا تانى
، انما احنا ، احنا شايفين انه الافضل هو الاسلام مع الدولة ، ليه ، لأنه دا نفعنا جدا جدا جدا
فاهميني ؟؟

----------------------
الفيلسوف اليهودي الملحد إسبينوزا كان أول من أشار إليها إذ قال أن الدين يحوّل قوانين الدولة إلى مجرد قوانين تأديبية. وأشار أيضًا إلى أن الدولة هي كيان متطور وتحتاج دومًا للتطوير والتحديث على عكس شريعة ثابتة موحاة. فهو يرفض اعتماد الشرائع الدينية مطلقًا مؤكدًا إن قوانين العدل الطبيعية والإخاء والحرية هي وحدها مصدر التشريع.
لذلك فإن إسبينوزا عاش في هولندا أكثر دول العالم حرية وانفتاحًا آنذاك
ومنذ استقلالها عن إسبانيا،
طوّر الهولنديون قيمًا جديدة، وحوّلوا اليهود ومختلف الأقليات إلى مواطنين بحقوق كاملة، وساهم جو الحريّة الذي ساد إلى بناء إمبراطورية تجارية مزدهرة ونشوء نظام تعليمي متطور،
فنجاح الفكرة العلمانية في هولندا، وإن لم تكتسب هذا الإسم، هو ما دفع حسب رأي عدد من الباحثين ومن بينهم كارن أرمسترونغ إلى تطور الفكرة العلمانية وتبينها كإحدى صفات العالم الحديث.
الكلام دا بيقولك انه اللى فكر فى الموضوع دا يهودى ، ملحد ..
..
وادى كلام جون لوك ((اللى حطيط صورته فوق))

الفيلسوف الانكليزي جون لوك كتب في موضوع العلمانية: "من أجل الوصول إلى دين صحيح، ينبغي على الدولة أن تتسامح مع جميع أشكال الاعتقاد دينيًا أو فكريًا أو اجتماعيًا، ويجب أن تنشغل في الإدارة العملية وحكم المجتمع فقط، لا أن تنهك نفسها في فرض هذا الاعتقاد ومنع ذلك التصرف. يجب أن تكون الدولة منفصلة عن الكنيسة، وألا يتدخل أي منهما في شؤون الآخر. هكذا يكون العصر هو عصر العقل، ولأول مرة في التاريخ البشري سيكون الناس أحرارًا، وبالتالي قادرين على إدراك الحقيقة

الكلمة الكبيرة ، كلمة الكنيسه
هما كل همهم انهم يفصلوا ، الكنيييييييسة عن الدولة !! فاهمين؟؟
يعنى مش الدين عامة !!
لا
الكنيسه عن الدولة ، لأنه الدين المسيحي خطأ ، مش فيه التطور الطبيعي للحاجه الساقعه
لا
مافهوش تطور
الدين المسيحي دا المحرررررررف ، ماينفع الا لمكان وزمان معين ، وهو المكان والزمان اللى حُرِف فيه .. والله اعلم هو اتحرف فيه وامتى ، وانا الصراحه لا اعلم شئ عن تاريخه وايام ما اتحرف ان كان حتى مناسب او لا .. ولا اظن دا

وبكدا ، ومن كلامنا دا كله ، فهمنا عدة نقط
العلمانيه :- لا فائدة فيها فى الاسلام
العلمانية:- تضر المسلمين .. حيث تجعل المسلم العلمانى لا يؤمن بالاسلام بالقوة الصحيحه
العلمانيه:- فكرتها وبلورتها لا تليق الا ببلاد الغرب .. لأنها بلاد تعرف انه المسيحيه غير متطورة تليق بزمانهم الحالى
العلمانيه :- هى فصل الكنيسة عن الدولة .. لا الدين عن الدولة
ولكن ، كل غبى ، غيرها ، وجعلها الدين عن الدولة ، عمم كل الاديان ، وبالتالى هو جعل الاديان كلها ناقصة ، بما فيهم الاسلام ، وبالتالى الكلام دا مايطلعش من بؤ مسلم ابدا

الاستاذ الكبير المحترم حبيب الملايين :- يحي الجمل
[IMG]http://syasy.net/news/wp-*******/uploads/2011/04/%D9%8A%D8%AD%D9%8A%D9%89-%D8%A7%D9%84%D8%AC%D9%85%D9%841.bmp[/IMG]
د/يحيي الجمل

قال فى برنامج بتاع خيري رمضان:-
لو ربنا نفسه اتعمل عليه استفتاء وخد 70 % ((يحمد ربنا))
وكررها تلات مرات ..
ومرة تانيه قال :-
الجماعات الاسلامية تقول :- الله قال كذا كذا كذا ، والله لم يقل شيئا من 1400 سنه..
دا على اساس انه مش فى دين اسمه اسلام ، مش فى سنه ، مش فى قرآن .. ولا ايه ؟؟
..

---------------------
نتعرف بقى على العلمانية ، كام معلومة كدا
اولا

العلمانية بين الديموقراطيه ، واللبراليه

العلمانية هى ان الدين يفصل عن الحياه ، هاتصلى فى الجامع او فى بيتك ، وبس
مافيش جماعه ومافيش خطبه بصوت عالى لا .. كل حاجه فى اطار صغير جدا

الديموقراطية هى ان الشعب يحكم نفسه بنفسه ، ممكن الشعب يكون عايز الدين ، او رأيه رأى الدين ، وممكن مايكونش كدا فاهمين ؟؟
وبالتالى تكون الديموقراطيه جزء من العلمانيه ، ولكن فى احيان معينه ، اما يكون الشعب مش عايز دين ..
اما بالنسبة للبراليه
فهى فى حكاية الفصل ، هى اشمل من العلمانيه
وبالتالى العلمانيه هى جزء من اللبراليه
لأن اللبراليه هى فصل جميع المعتقدات عن الدولة ، ايا كانت
دينيه او غير دينيه
زى مثلا انتهاك حقوق الانسان ، فى عهد ستالين فى الاتحاد السوفييتي .. دى كانت سياسة او فكر ستالين للحكم ، او مثال تانى :- هتلر .. النازى فى المانيا
وكانت المانيا كلها تشجع هتلر دا دليل على انه دا كان فكر.. وبالتالى اللبرالية ضد دا

موضوعى كدا خلص ... ممكن ازوده وممكن لا بس علشان نبقى واضحين مع بعض ..
والمرة الجاية هانتكلم عن اللبرالية ، ونعرف هى ايه بالظبط ، ومن ناحية الاسلام هى ايه ..

شكرا جدا