بعد أما كنا عبيد لألف موت وحصار
أصبحنا سرب ملوك بالوحدة خوضنا النار
رحنا وقلبنا الكون ودا جد ولاهزار
دا جد كل الجد وبنينا سرح العرش متين بألف جدار
بنينا سرحو بقلبنا وبعزيمة ولاد ثوار
ايدي الشموع يا أميره دا الكلب عرشه انهار
والحاشيه من حواليه تبكي سيول امطار
يا امتي العربيه المصري ليكي فنار
مصري تهتدي بنوره وفي نوره ألف نهار
ارمي بزور بساتينك وارويها من انهارك
وخلي صحاريكي جناين ولؤلؤه في تاجك
وكل مترويها قوة وعزيمه وعدل هتعلي من شانك
اضربي بكل قوه يا مصر متسامحيش واظبطي نشانك
على كل ظالم زرعو الشيطان سلطان ودمر في اولادك
وضمي في حضنك جيلك وافتحيلو بابك
يا مصر يا ام الهوا رياحين العدل أهو جالك
جابلك معاه اتنين في الاصل هما ملوك والفعل خدامك
العدل والمساواه بيهم يا أمي الغاليه تترفع راسك
مهما دول خدامك وفي الشده يا أميره بردو حراسك
خلي الشهيد يفرح بانه فدى روحه وعلى اسوارك
واحنا فدى روحو لو نفدي مليون روح نرفع بها راسك
نفديكي يا أرض الماس ونضحي علشانك
مهو كل مصري ماسه وزينه على جباهك
زينه بتطرح زينه عصفوره وطايره جميله تهتدي بغصنك
وابنك ينام في حضن الليل تقول السما مواويل ويصحى على ضيك
يصحى بيتدلع مهو ليلك خلاص ولا وبيصحى على فجرك
ويصحى من نومه ويشد من عزمك وتشدي من عزمه
ويصلي فرض الله ويحمده في سجوده انه طلع ابنك
اصلك بلد ولاده وعند كل ولاده بتزيدي في جمالك ويحلى كمان رسمك