يابلدى قومى من تانى و متزعليش

بس يرضيكى حقى ماترجعيش

يرضيكى واحد ياخد وواحد بلاش يعيش

يرضيكى نتعب حتى العلاج مانلاقيش

يرضيكى ابنك يموت من الجوع مايلاقش العيش

يرضيكى شعبك يمدلك ايده وتقوليلة مفيش

مش هتلاقى حد يحبك قدنا على غيرنا متدوريش

قومى شوفى وجعنا ودموعنا فى الشوار متناميش

اديناكى حقك من دمنا يابلدى ماتطمعيش

ازاى على ولادك وعرضك مابتغيريش

ازاى شايفه شبابك بيموت وانتى واقفه مابتتهزيش

هتفضلى لحد امتى ساكته على البلا مابتنطقيش

ازاى نحميكى وانتى علينا مابتخافيش

عاوزين ننهض بيكى والذل والهوان ماتشوفيش

بس خافى على شعبك وحقه ماتضعيش

اتمسكى بينا زى ماوعدتى اوعى بوعدك ماتوفيش

بدل مانسيبك ونبعد وانتى عارفة اللى بيروح مابيجيش

بس ازاى تهونى علينا وايامنا فيكى ماتتنسيش

هنديكى فرصة ترجعى حقوقنا بس بينا ماتستهونيش

وادينى بصالحك تانى وبقولك يابلدى قومى ماتزعليش