ابدأ الاشتراك فى الحمله معانا من هنا



السلام عليكم و رحمة الله و بركاته

ازيكو كلكو


يا رب تكونوا بخير


حملة الإنتصار على العاده السريه

فكره الحمله غريبه شويه


وناس كتير اول ما بتسمع عنها بتضحك فى الاول...


بس لما بتراجع نفسها ، بتلاقي ان الحمله دي فعلا مهمه جدا


ويا رب يا رب يا رب ربنا يقدرنا و نقدر نعمل حاجه



ليه الحمله دي؟؟

من فتره كدا كان في الحمله بتاعت الاستاذ عمرو خالد بتاعت الادمان


في شخص قالى ساعتها ياااه لو يدخل في الحمله دي ادمان العاده السريه


الموضوع اتخمر فى دماغي ... بس كنت شايف ان تنفيذ الفكره صعب


بس لما لقيت احد المواقع منظم الحمله دي


وفعلا لاقيه اقبال كبير
جدا

انا تحمست للموضوع اول و خصوصا


في احصائيات بتقول ان من 90 لـ 95 %* فى الميه من الشباب بيمارسوا العاده السريه

يعني تقريبا 9 من كل 10 شباب بيمارسوا و اكتر

وان حوالى 70 % من البنات بيمارسوا العاده السريه الموضوع كبير جدا

وكل الشباب نفسهم يبطلوها و بيحاولوا و يقعوا و يبطلوا و يحاولوا


بس المشكله انها بتوصل مع عدد كبير جدا للادمان....




طيب يعني بعد الرغي دا كله هنعمل ايه؟؟
بص يا ريص..

احنا بقلنا فتره بناخد اراء الناس قبل ما نبدأ فى الحمله و نشوف هنعمل ايه و كدا و بتاع


ام هند .. وصلنا يا ريص لشكل عام


كل المشاركين فى الحمله هنحاول و نكافح و نصمد و هنتوقف ان شاء الله عن العاده دي
لمده 50 يوم كبدايه ...

بيبتدي اليوم الاول من
قرايتك للموضوع دا...

بمعني انك وانت بتقري الموضوع


لازم تاخد القرار دلوقتى و تتوقف عن العاده دي



طيب انا اشترك ازاى فى الحمله دلوقتى؟؟

بص يا ريص في طريقتين للاشتراك فى الحمله


اول حاجه :مشاركه بدون تفاعل
تاني حاجه : مشاركه تفاعليه


المشاركه بدون تفاعل...

هتتابع معانا بس الحمله من بره كدا

وتشارك معانا فى الصمود لمده 50 يوم

المشاركه التفاعيه ( يا ريت)

وهي ان احنا هنتعامل بالنقاط


كل فرد مشارك فى الحمله ... هيعمل موضوع خاص بيه وهيسجل فيه النقاط بالشكل التالى


اليوم الى هيعدي عليك زي الفل كدا و الحمد لله ... تسجل نقطتين


ولو وقعت في يوم.. هتسجل نقطه واحده بس


حلو اوى اوى اوى.. بس طبعا انا مش هشترك... يا عم و هو انا هفضح نفسي ليه؟؟


لالا طبعا.. احنا فكرنا فى المشكله دي... بص يا ريص


في عضويه عامه خاصه بالحمله


تقدر من خلالها تسجل دخول و بعدين تكتب بالعضويه دي موضوع خاص بيك


وتعمل عنوان الموضوع اي حاجه مميزه ليك



وانا بنصح بشده انك تشارك معانا تفاعل


علشان تشجع غيرك يشترك معانا


حتى لو ما كنتش بتعاني من ادمان العاده دي


على الاقل شجع غيرك معانا


وكل بثوابه يا عم


طيب اشطه... و النقط دي هنعمل بيها ايه ؟؟


تم بفضل ربنا وضع
10 مصاحف في المسجد النبوي

اعلي عشر مشاركين هيحققوا نقاط...


هياخدو ثواب العشر مصاحف...


وبالنسبه لبقيه المشاركين


هنحدد ان شاء الله زي نسبه كدا ( حسب عدد المشاركين )


الى هيوصل لرقم معين مثلا 90 هنخرجله صدقه جاريه .. ايا كانت بقي


يلا يا ريص


اتجدعن كدا... و خد القرار


وابدأ معانا...



بص بصايه عالمواضيع دي