بسم الله الرحمن الرحيم

السلام عليكم ورحمة الله وبركاته


بصوا بقي من غير مقدمات وبتاع

أولا : شكرا لأنكوا اهتميتوا ودخلتوا الموضوع وده إن دل علي شئ فيدل علي معزتي عندكوا شكرا شكرا أخجلتم تواضعي ( بس يارب ميكونش في حد مدخلش الموضوع أكيييد شكلي هيبقي ........... ربنا يستر ومتكسفونيش إن شاء الله )

ثانيا : لقد آلمني ويؤلمني ما حدث ويحدث في هذه الايام العصيبة في منتدانا الحبيب .. الواحد مننا بيدخل بيبقي قاعد لوحده محدش بيونسه ولا ناموسة تزن في ودانه .. ولا حتى موضوع يحط عليه كومنت ينشط بيه عضلات صوابعه ..


ثالثا بقي عندي اقترح ضغنطوط كدة معلش عشان موضوع التواجد والوحدة التى أصبح يعاني منها أعضاء المنتدى الكرام ..

ممكن نحاول نتوصل لموعد نكون كلنا موجودين فيه .. وقت يناسب الكل وربنا معانا


لأن بجد والله حرام أستاذ صلاح تعب جدا علي ما عمل المنتدى وبعدين جدده واحنا مابقيناش ندخل عليه زي زمان ..


وأنا عارفة إن كلنا عندنا أعذارنا واللي عنده امتحانات واللي عنده بيته .. بس احنا برضه أسرة واحدة وعيلة واحدة .. " ويحز في نفسي " (( حلوة يحز في نفسي دي .. مش بتفكركوا بحد ) ؟؟ اللي بيحصل دة ..

ربنا قادر يجمعنا من تاني ..

وبعدين يا أجدع نجعاوية المنتدى بقى كله دوااااااااسييييييييس
لازم نشتغل شوية وللا إيييه ؟؟!!!


مش ملطوش ولا حاجة
والأهم من دة دي أول مرة في حياتي أكتب موضوع مش ملطوش
شجعوني بقى

أشوفكم على خير بإذن الله