السلام عليكم ورحمة الله وبركاته

بعدما أنهيت شهادتي الإبتدائية حلمت ماذا أكووووووون؟؟ وجدت نفسي أريد مهنة الصيدله

ياسلااااااااااااااام الواحده تبقى صيدلانيه

الله هبقى الدكتورة نورااااااااااااااااام

وأثناء حلمي اللذيذ يأتي شخص غلس ورخم

ويقول لي دكتورة إية يابت فووووووووووقي دة أنتي هتبقي بياعه

أفحمني هذا الرد الذي أنزلني من سابع سماء إلى الأرض

وقلت له بذهول :بيااااااااااااااعه مين ياعمو هو أنا ببيع شيبسي ومولتو

قال لى : إية الفرق يعني هو بيبع شيبسي وإنتي بتبيعي دواء فكري في حاجة مفيدة يابنتي

عاوزة تبقى حاجة إدخلي طب حلو حلو

ولكن كلام هذا الشخص أصابني بمرض التفكير

وعدت أتحدث مع نفسي

تصدقي يابت يانورام الراجل دة عنده حق هو إية الفرق بين الصيدلي والبياع ؟؟


نعم يا أختي الفرق كبييير طبعا إنتي هتتأثري بكلام الراجل دة

فووووووووقي دة الصديلي دة دكتور


أيون يابنتي م أنا ارفه إنه دكتور بس ليه بقى يافاهم بيقوفوا ناس معاهم دبلوووم في الصيدليه

طلاما هم مهمين ودكاترة مهمتهم إية غير إنه بيبيع دواء ؟؟؟؟؟؟


يوووووووووووووووووه بقولك إية مش عارفة بقى إنتي هتلخبطيني ليه ؟؟؟

معقوله مهنة الصيدله دي عبارة عن بيع دوا يانهار أثود

أما ليه بيقولوا عليهم دكاترة


يابنتي ماهم دكاترة بس أنا هقولك بقى انا توصلت لإية لما بحثت في الموضوع دة

شكلك فاااااااااااهم يانصه(سوري يانورام ) قولي قولي

بصي ياسيتي

في الدول المحترمة الطبيب اللي متخرج من كلية الطب مهمته التشخيص فقط

والصيادله يوصفوا الدواء

يانهاااااااااااار أبيض يعني الدكاترة واخدين حق الصيادله

بالظبط كده الطبيب ياسيتي هنا واكلها مقشرة يشخص ويكتب الدواء والصيدلي بيبع

تخيلي يابنتي كده لو الصيدلي جه يقول لمريض الدواء دة مش موجود بس دة في نفس المادة الفعاله

المريض يقول لأ أنا هجيب اللى الدكتور قاللي عليه

على أساس إن اللي قدامه دة برجل واحده ماهو دكتور هو كمان (حاجة غريبة )

طيب والعمل لو دخلتي صيدله يابت يانورام هتبقي دكتورة ولا بياعه بس على نضيف

إنتي بتتريقي

لألأ بتكلم بجد إفرض ربنا كرمك هتعملي إية هتنضمي يعني لقائمة البائعين للدواء ولا دكتورة

والله ما أنا عارفة بقى ماهو الموضوع دة بقى لازم يتحل والبلد تتظبط ولا إية رأيكوا يانجعاوية

عاوزاكوا تحلوا الحوار اللي بيني وبين نفسي دة