انا هنزل يوم 8 التحرير
طلباتنا مش كتير
اشوف بعينيا التغيير
واشوف بعينيا القصاص

مكانش ماتش ممكن فيه نتعادل
كان بطش حكومه وحاكم غير عادل
وامن دوله للى يفكر يجادل
وقنابل مسيله ورصاص قناص

الثوره عملت بس لسه منجحتش
طلعت من جوانا ولسه مرجعتش
ولما حسينا انها لسه مغيرتش
هنكررها من تانى بأخلاص

يعنى ايه نص دسته مجرمين ياخدوا برائه
يعنى النظام لسه موجود وبكل جرائه
ويعنى ايه قتله الثوار يخلوا سبيلهم
يعنى نقتلهم بأيدينا احنا وخلاص ؟

يا طنطاوى عاوزين العدل عاوزين حقوقنا
احنا مش غنم ممكن تسوقنا
احنا خلاص دلوقتى فوقنا
واتشال من عينيا العماص