بسم الله الرحمن الرحيم

لاحظت ان الامهات بيعرضو مشكلات ولادهم وهيه مش عارفة ان

ابنها طفل حساس لأن وعينا الثقافي بالطفل الحساس مش مكتمل

وساعات مش موجود اصلا انا هنا هاقولك ازاي تعرفي انه حساس

وبعدين ازاي تتعاملي مع ده لأن الطفل الحساس لو اتعاملنا معاه

صح بنخلق شخص مفكر و مبدع وعبقري ولو اتعاملنا معاه غلط

ممكن جدا يتحول لمريض نفسي وعادة الطفل اللي بيثير مشاكل

كتير بيكون اصلا طفل حساس بيتعامل بشكل خاطيءفالطفل

الحساس بيتأثر بأي شيء بسيط كالانارة القوية مثلا او الصوت

العالي فيسبب له التوتروقد ينغلق على نفسه واحنا مش فاهمين

ايه الي مضايقه او هو ليه بيعهمل كده لازم تفهمي ان ابنك لو

حساس يبقى الحاجات الي بتضايقه مش مبررة لنا لكن ليه في

منتهى الأهمية ولازم نحترم ده جدا. في البدايه :


أجيبي بصح او خطأعلى الحالات التالية :


1- حساس جدا من الألم
2-يفضل اللعب الهادي
3-يطرح اسئلة كثيرة 4
-يتمتع بحس فكاهة ذكي
5-يتمتع بحدس كبير 6
-تزعجه الأماكن الصاخبة
7-صعب وضعه في السرير او انه ينام بعد يوم شاق ومتعب
8-يلاحظ الروائح ويميزها جيدا ويتعرف على الرواثح الغريبة
9-يستعمل الفاظ اكبر من عمره 10-يخاف ويروع بسهولة
11-يتذمر جدا لو ملابسه مش مظبوطة او من الشراب لو مكلكع
او لو الحذاء مش على مزاجه
12-يستفيد من الملاحظات والكلام الهاديء اكثر من العقاب
13-مش بيتأقلم بسهولة مع التغيرات الكبيرة واحيانا الصغيرةمثلا
(الانتقال من السكن-تغير المدرسة -تغير المدرس -تغير مكان النوم او المذاكرة)
14-يريد تغير ملابسه فورا لو كانت رطبة او متسخة
15-يلاحظ جدا لو شخص متضايق او حزين
16-يسأل اسئلة عميقة تحتاج تفكير
17-يفكر كويس قبل الاقدام على عمل مغامر مثلا (ركوب لعبة جديدة في الملاهي -تسلق شجرة -الصعود الى سطح عمارة)
18-يحسن التصرف لوجود غرباء
19-يلاحظ اي تغيرات في الاخرين والاشخاص والاماكن
20-يشعر بالأشياء بشكل عميق
21-يسعى للكمال والمثاليه في كل شيء


اذا كانت اجابيك بنعم على 12 او اكتر من النقاط السابقة لزم

تعرفي ان طفلك حساس وكل ما زاد العدد زادت الحساسية


ولو اجبت على واحدة او اتنين فقط بس كانت الصفة شديدة وقوية


وطفلك بيعاني منها بافراط فهو ايضا حساس جدا


سمات الطفل الحساس:

الطفل المفرط الحساسية لا يتمتع بحواس خارقة عن اصحابه او

تفوقهم لكن دماغه بتتعامل مع المعلومات والمؤثرات الخارجيه

بشكل اعمق فهو مثلا بتأثر بلألم اكتر من غيره وبالأدوية وعادة

بيعاني من امراض الحساسية في جسمه


ولازم نعترف ان الاهل بيجدو صعوبه في التعامل مع الطفل

الحساس لأنه ممكن تجيله نوبة غضب فظيعة او العكس تماما

يقعد هادي جدا ومش عايز يحتك بأي حد او حتى يفضل حابس


نفسه مع التليفزيون او الكمبيوتر في عالم صغير بعيد عن الناس


الطفل الحساس بيلاحظ اقل التفاصيل ممكن يقولك انت حركتي


الكتاب او الكمبيوتر او السريروانتي بتنظفي مثلا وممكن ينزعج

جدا من اشياء بسيطة وتافهة من وجهة نظرنا


ويبقى اهم جزء ازاي تتعاملي صح مع طفلك الحساس؟


1-حافظي على راحته قد ما تقدري علشان مش يتحول لشخص متوتر لما يكبر اقبلي ضيقه وقلقه واشرحي له بهدوء انك حاسه بيه وان معاه حق وفهميه ازاي يتخلص من الأشياء اللي بتضايقه وساعديه على كدة


2-لما يفقد اعصابه ويدخل في نوبات غضب سبيه ياخد وقته لما يهدى وخليه يخرج غضبه مدام مش هيأذي حد او ياذي نفسه مداد انتي مشقادرة تحلي المشكلةواتعاطفي معاه واغمريه باهتمامك مهما كنتي شايفة ان المشكلة اللي مضايقاه تافهة ولما يهدى ويستعيد وعيه كلميه بعقلانيه عن سبب غضبه وان ممكن تتحل بشويش وبهدوء


3-حاولي قدر الامكان تخليه يحل مشكلاته خليه مثلا يختار بنطلون غير اللي مضايقه او يقعد في المكان اللي يريحه


4-الطفل الحساس بيتأثراكتر من غيره لأي شيء سيء يحصل حتى لو مش ليه (بنتي الكبيرة وهيه في حضانه قعدت كام ليلة تقوم وهيه نايمه وتقف جنب التلاجة وقفة التذنيب وشها للحيطة ورافعة ايدها لفوق وهيه نايمه والحقيقة انا كنت واثقة في مدرستها مش ممكن تكون ذنبتها لأني قايلة لها انها حساسة فسالت بشكل غير مباشر واتاكدت ان حتى المدرسه مش بتستخدم الاسلوب ده في الكلاس وبالصدفة البنت بتحكي معايا اكتشفت انها كانت نازله التواليت وشافت المستر بتاع الالعاب مذنب ولاد كبار في الحوش )تخيلو خدت بالها والموضوع اتخزن عندها ازاي


5-علشان كده لازم لازم لازم تسيطري عل انفعالاتك قد ما تقدري وتحرصي انك تعرفي ايه اللي بيثير طفلك وازاي بيرجع يهدى خديه مثلا لمكان هادي وسبيه يعبر عن انفعالاته من غير ما تغضبي او تثري عليه علشان يتخلص من توتره وبعدين تحاولي توصلي للمشكلة الرئيسية وتحليها


6- لما يعبر طفلك عن انفعالات ايجابيةلازم تتجاوبي معاه وما تحديش من انفعاله وفرحته من غير ماتنفعلي معاه اكتر من الازم


7-خصصي له وقت خاص وحسسيه باهتمامك ومش تتكلمي ابدا عن حساسيته بشكل سيء بالعكس حسسيه انها ميزة واتكلمي عن صفاته بفخر واعجاب.


*** منقول للافاده **