انا متجوزه من 3 سنين عن قصه حب سنتين قبل الخطوبه و سنتين خطوبه
كنت عايشه اجمل ايام حياتي مع اللي بحبه قبل ما نتخطب
وبعد الخطوبه اكتشفت سيطره مامته علييه و ضعف شخصيته قدامها
هو الكبير لكن مش الوحيد و مامته متعلقه بيه قوي و مابيكسرلهاش كلمه
وطبعا مش حاسس بده اطلاقا
وغلطت في مره وكلمته في الموضوع ده كانت سنه سوده علي دماغي
و بصراحه نزل كتير من نظري بعد ما اكتشفت ده و عاملنا مشاكل كتير في حايتنا
بس ماكنتش اقدر اسيبه لاني بحبه قوي و قلت اكبر دماغي جايز يتغير
و فعلا اتغير بعد الجواز بس للاسوأ
مامته حاشره نفسها في كل حاجه حتي طريقه الطبيخ بتاعتي و ألبس لابني ايه في العيد و اقصله شعره امتي
و بدا جوزي يهملني لما حس انه امتلكني
شغله عنده اهم حاجه و بعدين عيلته و انا مش مهم
مابقاش يسمعني ولا يهتم برغباتي مابقتش فارقه معاه مبسوطه ولا زعلانه مش مهم اكون زهقانه أو تعبانه
و الاهمال بيزيد يوم بعد يوم وحبه ليه بيقل لحد ما بقيت بحس انه راح و اتقلب عشره وتعود
مش عارفه اعمل معاه ايه؟ جربت كل حاجه ممكن تتعمل
اتكلمت معام مره و 2 و 50
غيرت من شكلي كذا مره
غيرت من طريقه معاملتي
بدات اشوف ايه بيبسطه واعمله و ايه يزعله و ابعد عنه
بساله محتاج ايه و اعملهوله
باره جدا باهله و حطاهم فوق راسي
بسمع الكلام مهما كان يضايق
بغير في جو البيت و اعمله حاجات رومانسيه
ومافيشششش فايده
وما عنتش عارفه اعمل ايه؟
وصلنا لطريق مسدود و ماعدش عندي حلول,لو حد عنده حل ارجوكم يقولي عليه
علشان انا تعبت و كرهت الدنيا بجد