عايزة أتجوز ..
قصدي عايزة تتجوزي .. طيب ادخلي وانا اقولك


طبعا ما صدقتي حاجة فيها جواز تتدخلي علطول
بنات اخر زمن
احم احم
متزوقيش يا اختي بهزر معاكي
اه ما انتي مدخلاني علشان نهزر سوا
عادي بضحك معاكي
انا عارفه انك داخله علشان عاوزة تتجوزي صح
انكري انكري
ما علينا مش موضوعنا
ماشي يلا قولي مدخلاني ليه
حاضر هقولك
بصي يا قمر

طبعا كل بنت نفسها ومنى عينها تتجوز النهاردة قبل بكرة
وتقعدي تستني اليوم اللي هتلبسي فيه الفستان الابيض

وعريسك ياخدك ع الحمار الابيض قصدى الحصان الابيض ... احلمي احلمي اصل فيه الكلام ده اليومين دول

ومامتك بقا تقعد تدعيلك ... ربنا يرزقك با ابن الحلال ... قلب الام بقا ... وانتي يا حبة عيني تقعدي تحلمي بالعريس ده هيكون شكله ايه وعنده ايه وطويل ولاقصير ... يووووووه مش هخلص النهاردة من البنات ورغيها والكوابيس اللي هيا عايشة فيها


المهم ندخل بقا في موضوعنا ... واللي جايباكي هنا علشانه
يلا يا ستي بقا ... انتي هتقعدي ترغي كتير كده
خلاص اهو
ركزي معايا
مركزة ع الاخــــــــــــــــــر

اول حاجة تبقي مقتنعة مليون في المية ان الجواز رزق زي الفلوس وكده ... وان لما يجيلك نصيبك هتتجوزي يعني هتتجوزي
ماشي يا ستي اقتنعت ( ونعم بالله )
وبعد كده ايه ؟

اقولك
تاني حاجة الجواز مش بالحلوة والوحشة والطويلة والقصيرة والتخينة والرفيعة
كلها خلقة ربنا
طيب ياستي مانا عارفة كل ده
لا مش عارفة
ليه بقا ان شاء الله
علشان زمانك قاعدة تقولي في سرك دلوقتي
اشمعنا البت الفلانية دي مش يتبصلها واتخطبت
عرفتي منين ؟
اصلي مكشوف عني الحجاب ها ها ها
اتريقي اوي
لا مش بتريق بس دي الحقيقة
ماشي وبعدين يعني في يومك ده


ممكن تكملوا الموضوع للاخر وتردوا عليا
ومحدش يخرج من غير ما يكمل الموضوع



تالت حاجة انك تبقي مقتنعة بردو ان يوم ما الشاب يجي يدور ع عروسة علشان يتجوز مش هيتجوز اي واحدة كده والسلام هيبقا بيدور ع اخلاقها ولبسها شكلو ايه مش ماشية رقاصة في الشارع وبتقول لكل واحد تعالا اتفرج شويا وحاطالي ع وشها كيلو بودرة وحاطة برفان ريحته جايبة لتاني بلد
طيب مانا عارفة الكلام ده
عارفة طيب شوفتي الحاجات دي فيكي ولا لا
انا انا
ايه مالك
انا بحط ميك اب وبرفان ولبس ع الموضة ... بس فيه بنات كتير كده واتخطبو واتجوزوا ايه المشكلة بقا ؟
طيب هسألك سؤال وجاوبي عليه
حاضر اتفضلي اسألي
انتي عاوزة اللي هترتبطي بيه يكون حلو وابن ناس ومحترم
اكيد طبعا ودي عاوزة سؤال
طيب يبقا تسمعي كلامي
حاضر هسمعه ... قولي
غيري من نفسك
ازاي ؟
غيري لبسك .. بدل البنطلون والبادي الضيق دول البسي جيبة حلوة كده وواسعة والبسي عليها بلوزة بردو حلوة وواسعة ولفي الطرح تغطي المنطقة اللي فوق كلها

تعالي شوفي ربنا قال ايه في كتابه العزيز
قال تعالي : بسم الله الرحمن الرحيم
"يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا"
صدق الله العظيم

يعني امشي الهدوم مفرفرة عليا في الشارع ؟
لا مقولتلكيش امشي مبهدلة في نفسك ولا الهدوم مفرفرة عليكي بس
فيه لبس محجبات تحفة وشيك جدا البسي منه
خديها خطوة بـ خطوة علشان تقتنعي ومتقوليش مقفلاها في وشك

شوفي البسي وانتى محجبة وفي نفس الوقت شيك جدا
فى لبس محجبات شيك جدا جدا


الله دي عسولة وشيك اوي
شوفتي بقا
علشان تبقي تسمعي كلامي

طيب وده ايه علاقته بالعريس ؟
اقولك ... يوم مهيجي الشاب يرتبط عاوز واحدة محترمة ف كل حاجة ولبسك ده هو اللي هيخليكي غالية في نظر اي شاب انك تكوني ماشية جسمك مش مفصل ولا الهدوم ملزقة ع جسمك

شوفتي قد ايه الحجاب هيحميكي من الفتن ويحفظك عن عيون الناس ومحدش هيقدر يتعرضلك بكلمة ولا حتي نظرة ولا كل واحد يقل ادبه شويا ... ماانتو عارفين اللي بيحصل واكيد انتي وهي بيحصلكو كده

يلا تيجي نتفق ع اتفاق ؟
ايه؟
انك تغيري من نفسك وتعملي اللي قولتلك عليه
اتفقنا
بس في شرط
ايه هو ؟
انك تكوني مقتنعة من جواكي باللي انتي هتعمليه ... مش هتعملي كده علشان انا قولتلك
حاضر ... اوعدك
طيب ياقمراية

طيب هنعتبر ان خلاص ابن الحلال لسه له شويا ويجي يتقدملك
يااااااااارب يسمع منك
عارفة انك متسربعة
يلا كملي
حاضر هكمل

ممكن نتكلم مع بعض شوية
ممكن طبعا

يقول الله تعالى

((فقلت أستغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا ))


والرسول صلى الله عليه وسلم قال

من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب

عليه افضل الصلاة والسلام

طيب وايه المطلوب مني دلوقتي ؟
هقولك

المطلوب

منك انك كل يوم تستغفرى 2000 مرة بصيغه استغفر الله هتاخد منك 20 دقيقه بس لو مسبتيش يوم واحد من غير ما تستغفرى او الشيطان ييأسك

‏ ‏ ‏قال النبي ‏ ‏صلى الله عليه وسلم
" ‏‏ طوبى لمن وجد في صحيفته استغفارا كثيرا "


" وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ "

الشيطان بيقول اهلكت بنى ادم بالمعاصى واهلكونى بلا اله الا الله والاستغفار

فى خلال شهرين بأمر الله حياتك هتتغير جدااااااااااااااا

هتتجوزى بأسرع مما تتخيلى ومن اللى بتحلمى بيه

لان الاستغفار بيفك السحر والحسد والمس وبيحل كل العقد صدقينى مش هتندمى 20 دقيقة كل يوم لدنيتك واخرتك

ها تبدئى ونكون اصدقاء ولا مش محتاجة اختارى وابعتيلى وانا متأكده انك عاقله وهتختارى كويس

وان شاء الله هباركلك قريب واجي ازغرطلك بنفسي
رغم انى
مبعرفش ازغرط

وربنا يرزق كل البنات بالازواج الصالحين اللي تقر أعيننا وتتقي ربنا فينا وتحفظنا وتحبنا




منقول للأمانه