If you can't read this message, please click here

سلام عليكم ورحمة الله
اخواننا واخواتنا
طبعا كلنا عارفين ان خدمة النبراس - صديق الكفيف - قائمة على المتطوعين
يعني كافة الخدمات اللي بنقدمها لـ اخواننا واخواتنا المكفوفين.. سواء كانت طباعة او تسجيل او مرافقتهم في مشاوريهم
بـ تزيد او تقل حسب عدد المتطوعين معانا
ودلوقتي احنا بنعاني من نقص شديد لـ متطوعات فريق المرافقة
إيه نوعية المساعدة المطلوبة من المتطوعات؟
مرافقة اخت كفيفة للذهاب لـ جهة حكومية لـ استلام مستندات
او مرافقتها لـ الذهاب لـ امتحان دراسي
مرافقتها لـ الذهاب لـ كشف لدى احد الاطباء.. او الاستشارة
مرافقتها لـ عمل اشاعة او تحاليل طبية
مرافقتها لـ الذهاب للتقديم بأحد الكورسات او المعاهد الدراسية
وهكذا.. يعني تكون مرافقتها اثناء اداء مشوار خاص بهذه الاخت الكفيفة
لو انا تطوعت معاكم.. هل يلزم اني اعمل مشوار بشكل اسبوعي لـ احد الكفيفات؟
لا.. التطوع حسب توفرك ووقتك وظروفك.. تبلغينا انك متاحه في اليوم الفلاني من الساعه الفلانية
او تتصلي بينا كلما توفرت لك الفرصة لمساعدة اخت كفيفة في مشوارها
لو انا تطوعت معاكم.. لازم يكون معايا عربية؟
لا.. العربية مش بتكون مطلوبة بشكل اساسي الا لو مشوار بعيد.. او اكتر من مشوار في يوم واحد
وده بيكون بالتنسيق مع مسؤولي المرافقة
طيب اعمل ايه عشان اسجل معاكم؟
محتاجين بياناتك على اللينك ده..
او تتصلي بينا على
0113781727
مع تحيات
فريق النبراس - صديق الكفيف - لخدمة ورعاية الكفيف
إحدى مشروعات جمعية البراق للخدمات الإجتماعية المشهرة برقم 5459
العنوان: 8 شـارع علي الليثي، خلف سنترال الماظة، شقة 2