طول اليوم باشتغل فى الغيط زى السوسه

واخر النهار أفضل فى البيت محبوسه

ومن غير لبنى مافيش حلويات ولابسبوسه

قلت امشى على رجيم وقائمه بالسعرات مدروسه

وأبقى فى قوامى رشيقه ونحيفه ومحروسه

والبس واتشيك وابقى عروسه

وأغير اسمى ويبقى أسمى ننوسه




وألبس سوريه واحضر سهرات

وأسافر بره وأحضر اجتماعات ومؤتمرات

واعمل تأخى مع البقر من كل القارات

وأصبح أول نقيبه لنقابه البقرات

وادافع عن حقوقهم فى كل الساحات

وأطالب براتب عن عملهم بالساعات

واطالب نسبه من أيراد اللبن وكل الجبنات




ويصبح جواز سفرى مختوم من كل الموانى

وأتقبل من كل البقر رسائل التهانى

واشكر كل من بحنانه احتوانى

وخلانى أحقق كل الاحلام والامانى

وعجبي