التوبيك المرة دي ممكن يبقى مش ظريف

بس بقت حاجة مستفزة اوي حال المنتديــات العربيــة

وبقى فى بجاحــة وقلة أدب دي لا جرأة ولا معرفــة ولا علم (( وجهة نظــري ))

بقى عادى انك تلاقي معظــم المنتديــات العربيــة موجود فيهــا قســم خاص عن الحياة الزوجيــــة

ايه ده .. وتلاقى فى مواضيع جو القسم مينفعش تتحكــــي واللى بستغربه ان فى اغلب المنتديات اللى داخلين

ورواد القســم بنــات ..وميمنعش انك تلاقى موضوع مينفعش يتحكي ولا يتقال وتلاقي فى الاخــر اللى كاتبه بنت

ازاي ؟؟ وانتى ايه مفيش اى حرج بالنسبة ليكي انك تكتبي حاجــة زي كــده مش بتتكسفي على الاقل

وتلاقي كــلام انا والله راجل اهو بس بخجل من اللى بشــوفه واللى كاتبينـــه ...

والمفاجأة الكبري بقى انك بعض الاحيان تلاقي اللى كتباه آنسة مش متجوزه .. طيب انتى اتنيلتى عرفتي اللى

بتكتبيه ده ازاى ؟؟ وحتي لو متجوزة ايه القــرف ده ..


وتلاقي واحده داخله تقول جوزي ومش جوزي وان هو بيعمل ومبيعمل ايه الاستفزاز والقرف ده



ولو سألت حد منهــم يقولك لا احراج فى الدين ده علــم ... ده من امتــي ده ..ومين اللى اداك الحق ان

الحاجات دي تتناقش على الملأ كده وكل من هب ودب يدخل يشوف ...


حاجــة مقرفــة لابعد الحدود وانا شخصيا بحتقــر اى منتدي عربي عامل الموضوع ده


.............................


الموضوع التانــي بقى الافـــلام ... برضه عادي دلوقتي انك تلاقي عضو او مشرف منزل فيلم Uncut وتلاقيه كاتب

لا يصلح للمشاهة العائلية او للكبار فقــط .. واما هو متنيل وفى حاجات مش محترمة منزله ليـــه !!

يا سيدي جبته اعمل خير واقطع الحتت اللى فيه وارفعه براحتـــك ..ولا انت مبسوط انك بتنشر حاجــة زي كــده




بجد حال المنتديات العربية بقى يكسف فى النقطتين دول ومعرفش هو اباحو حاجة زى كده على اساس ايه

يعني ايه وجهة النظر او التفكير اللى فكــروه ,,,


معلش انا ممكن اكون قولت كلام مينفعش يتقال او شتمت واتعصبت

بس بجد الموضوع منرفزني لابعد الحدود