+ إنشاء موضوع جديد
النتايج 1 إلى 10 من 11

الموضوع: سلوبته بيبى ( خاص بالمسابقه الثالثه لمحترفات الكروشيه ) يارب تعجبكم

مشاهدة المواضيع

المشاركة السابقة المشاركة السابقة   المشاركة التالية المشاركة التالية
  1. #1
    نجعاوي صوغانتوت لسه مش نجعاوي
    تاريخ التسجيل
    Dec 2011
    المشاركات
    25

    الاصلي سلوبته بيبى ( خاص بالمسابقه الثالثه لمحترفات الكروشيه ) يارب تعجبكم


    السلام عليكم ورحمة الله وبركاته
    انا لسه جديدة هنا فى المنتدى دة اول موضوع ليا فى
    قسم الكروشيه
    يارب شغلى يعجبكم علشان انا لسه مبتدئه عندى
    18 سنه
    انا هنزل لكم سلوبته وبلوزة اطفالى
    هحاول اشرح لكم على قد مااقدر اولا
    دى البلوزة
    صورة000ب.jpg

    شرح غرزة الصدفه : وهي عبارة عن ( عدد من غرز العمود ثمّ عدد من السّلاسل ثمّ نفس العدد من غرز العمود ) في نفس المكان سواءَ كان في نفس الغرزة أو في نفس الفراغ
    - وقد تكون غرز العمود ( عمود أو عمود ذو لفّتين أو عمود ذو ثلاث لفّات ). كذلِك قد يكون عددها 2 أو ثلاثة أو أربعة حسب الباترون.

    اولا احنا هنعمل طريقه البادى من غير زراير :

    هتاخدى مقاس ال 60 سم اللى هوه وسط البيبي المولود
    لو انتى بتعملى لسن اكبر يبقي كبرى عن كده

    هتعملى سلاسل طول ال60 سم
    وتقفليها بمنزلقه غرزة ساقطه بعدها تطلعى بغرزه العمود صف واحد

    سلاسل وبعدين عواميد
    5 عواميد + هتسيبي سلسلتين وتدخلى في الثالثه (عمودين +سلسله+عمودين)تسيبي سلسلتين وتدخلى في الثالثه
    تعملى 5 عواميد وهكذا
    هنعمل 11 صف كدة وبعدين هنعمل الكم
    هنفرق الشغل لظهر ووش
    هنعد عدد الغرز كلها ونقسم على2
    هنيجي الوقتى في السطر ال 12
    هنبدأ عادى واول ما نيجي على الجزء النهائى من عدد الغرز اللى في الوش
    هنرجع تانى يعنى نطلع 3 سلالسل ونرجع تانى
    منلفش الدائره كلهاهنعمل كدة لحد الصف ال16
    والظهر نفس الكلام عادى
    نكمل الظهر زى الوش بالظبط
    بس هتطلعى الظهر لغايه الصف 20
    لاننا عملنا في الوش لغايه ال 16 تمام
    وهتطلعى في الظهر بقي على الجنبين يمين وشمال نفس الكلام لغايه الصف 22 يعنى هتعملى سطرين بس
    بعد كده هتقلبي الشغل على ظهره وتخيطي اليمين مع اليمين في الوجهين وهكذا الشمال بغرزه حشو او منزلقه
    من جوه طبعا
    وبعدين هنعمل الاكمام
    هنعمل من عند الفتحتين تحت الباط هنمشى داير ميودر كدة لحد طول الكم المناسب
    دة كدة شرح البادى
    ودى بقى السلوبته
    صورة005.jpg

    الاول هناخد مقاس الوسط بتاع االبيبى سلاسل
    ونقفلها بغرزة منزلقه ونشتغل عواميد نبدء ب3 سلاسل للارتفاع
    هتعملى 10 صفوف بغرزة العمود وبعد كدة هنقسم الشغل لجزئين متساويين
    علشان الرجلين
    هنيجى للصف ال11 هنشتغل عادى عواميد لحد النص زى ماحددنا ونرجع نلف تانى دوران الرجل كدة فى الصف ال16
    هنبدء نقلل عدد الغرز كل صف نقلل غرزة وتمشى كدة 6 صفوف
    وبعد كدة تمشى عادى 3 صفوف وترجعى تانى تقلليى وتقفلى الرجل على كدة
    والرجل التانيه نفس النظام
    وبعد كدة هنطلع عند الصدر هنعمل صفوف عاديه غرزة العمود
    حوالى 10 او 11صف على حسب الشغل
    وبعد كدة الذراع هنيجى علىكل جمب منها ونعمل 5 سلاسل ونطلع بيهم عواميد
    هنطولها شويه علشان هتبقى فى الظهر مقفوله
    وبعد كدة هتحطىفى الظهر ذرارين علشان نقفل فيهم الحملات
    وبعد كدة نزوق السلوبته على حسب مانتى عاوزة
    يارب اكون قدرت اشرح لكم الطريقه بعد الرغى دة كله
    ودى صور للسلوبته مع البلوزة
    صورة001.jpg

    صورة002.jpg










    الصور المرفقة الصور المرفقة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •