السلام عليكم ورحمة الله وبركاتة
بسم الله الرحمن الرحيم
انا عملت فستان طفلة جميل جدا وسهل جدا يارب يعجبكم شغلى بس انا مش عارفة اول مرة اشرح طريقة شغل يارب اعرف اوصل لكم الطريقة كويس
بسم الله توكلت على الله
الفستان يبدأ من الوسط بعمل سلسلة طولها مسساوى لمحيط وسط الطفلة او اعلى شوية
وبعد ما نقفل السلاسل بمنزلقة نشتغل فوقها اعمدةغرزة العمود العادية حوالى 18 عمود
ثم نبدأ فى حردة الابط وهى هنا سهلة لسببين الاول ان الصدر والظهر زى بعض بالظبط فنفس الشغل هيتكرر
ثانيا لان شكلها مستقيم وليس منحنى
اول سطر هنسيب حوالى 12 غرزة او حسب المقاس من غير شغل ونبدأ فى السطر الاول وفى اخره نسيب قدهم تانى
والسطر اللى فوقه ننقص غرزتين من كل جانب
وبعد كده نرتفع بالشغل لاعلى عدد3 اعمدة بدون نقصان او زيادةوثم نبدأ فى حردة الرقبة بان
نشتغل كل حمالة لوحدها بعرض 6 او 7 غرز حتى نصل للارتفاع المطلوب
حسب المقاس طبعا ونكرر فى الحمالة التانية ثم فىى الظهر ثم نخيط الحمالات من فوق عند
الكتف
بالخيط والابرة ثم نعمل حرف حول الرقبة والابط من غرزة الحشووبكده انتهى الجزء العلوى


اما الجزء السفلى هوة عبارة عن عرزة المروحة اولا هنرجع لبدايةمن اسفل الشغل ونربط الخيط فية ونعمل 1سلسلة
ندخل فى الفتحة الاولى نقوم بعمل 5اعمدة ونسيب 3سلسل ونقوم بعمل غرزة العمود البارز ونسيب 3 غرز ونكرر نفس الطريقة وهاكذا حتى اخر السطر الول واتانى ثم نزود فى السطر الثالث والربع فى عدد الغرز بتاعة المروحة يصبح عدد الغرز 6سلسل وفى السطر الخامس والسادس يصبح 7 سلسل حتى اخر الشغل علشان يدينى وسع
فى الكرنيشة بتاعة الفستان على حسب الطول اللى انتى عاوزاة


ولما نخلص العدد المطلوب لحد الطول المناسب خلاص كدة
نبتدى اللمسات الاخيرة وهى عبارة عن شريط ستان
ومعاه الورد الجميل واحسن طبعا لو عملنا الورد كروشيه بردو ونثبته الابرة والخيط يارب يكون شرحى مفهوم ودلوقتى نشوف الفستان
صورة000.jpg
دى صورة الفستان من الظهر
صورة004.jpg

ودى صورة الفستان من عند الصدر
صورة001.jpg

ودى صورة الفستان على البنوتة
19052011(001).jpg
يارب يعجبكم شغلى وبالتوفيق للجميع