سلام عليكم ورحمة الله وبركاته
ازيكم يا احلى نجعاوية يارب تكونوا في افضل حال وصحة
انا بجد عايزة رأيكم في موضوعي دة لاني بجد جبت اخري ومش عارفة ايه المطلوب مني بالظبط معرفش ليه الدنيا مش راضية تظبط معايا كل ما اقول خلاص اهو انا حطيت رجلي صح وهقف على رجلي وهرتاح الاقيها راحت قافلة الباب تاني في وشي وكانها بتقولي انا كنت بعشمك بس يا عبيطة
المهم عشان مش اطول عليكم انا عندي 21 سنة لظروف ما اضطريت اني اشتغل مع العلم اني مسؤلة من نفسي انا مليش حد يصرف عليا مع اني بنت ناس بجد بس الحمد لله انا اللي اخترت اني ابهدل نفسي وللاسف لازم اتحمل نتيجة القرار دة المهم من شهر 5 لحد دلوقتي وانا طالع عيني اتبهدلت اوي وهنت نفسي اوي لدرجة اني في ايام كانت بتعدي عليا معيش في جيبي جنيه اجيب بيه حاجة اكلها كان ممكن اقعد بالايام من غير اكل وبعدين الحمد لله ظبطت معايا اشتغلت في مكان كويس وقلت الحمد لله هبدا استقر ولاني بنت لوحدي ومفيش حد معايا بدا الناس اللي شغالين معايا يحطوني في دماغهم المهم واحد نصحني اني اسيب الشغل بكرامتي احسن ودة كان مدير من مديريني لانهم هنا حاطينك في دماغهم ودة اللي حصل فعلا سبت الشغل قعدت 21 يوم من غير شغل صرفت فيهم ما يقرب من 10000 جنيه لاني كنت بدفع ايجار يومي 220 في الليلة غير الاكل والشرب والتاكسيات ودواليك المهم بعد 21 يوم ربنا من عليا بشغل تاني احسن واحسن يمكن كان دخل اقل بس كبوزيشن افضل بكتير المهم اشتغلت فيه وحصلي ظرف اضطريت اني انزل القاهرة فجأة رحت عشان استأذن المدير العام اني انزل القاهرة ملقيتهوش رحت للاسيستانت بتاعته وحكيتلها الظرف قالتلي انزلي انتي وانا ههندل الموضوع معاه رجعت بعد تلات ايام لقيتو بيقولي انا مضطر اصفيلك وسبحان الله وقتها كان ربنا بعتلي شغل تاني بس كنت هستنى لاول الشهر عشان استلمه افضل وافضل كلمت المدير بتاع الشغل التاني قلتله انا عايزة اشتغل من بكرة قالي ياريت ورحت فعلا الشغل التاني اللي المفروض ان انا فيه دلوقتي المهم اني انبسطت اوي بيه بوزيشن حلو اوي وسالري كمان كويس ومكان كويس بس المشكلة في حاجتين انه برضو انا لوحدي فالحمد لله المدير بتاعي برضو اتنيل وحطني في دماغه وللاسف بقى المرة دي المدير بتاعي معظم الشغل اللي بيتم من باقي الناس اللي معايا في القسم انا اللي بسلمه ليه ولازم احتك بيه يوميا لمحلي كدة كام تلميح بجد وجعوني اوي ومش عارفة استمر معاه في الشغل ولو حتى اكتفى بتلميحات بس دي حاجة الحاجة التانية اني للاسف بعاني من كارثة في الذاكرة والتركيز انا عندي الموضوع فعلا اب نورمال لدرجة اني ممكن اسقط حاجات ياما وهو للاسف اكتشف البوينت دي وعلقلي كذا مرة بلاس اني بيحصل مني مثلا اني ممكن اتأخر شوية عن معادي في الشغل وفي معايا واحد في القسم ما شاء الله والمدير غايب بيوصله كام نفس اتنفسناه في المكتب انا النهاردة بس واخدة تلات جزاءات دفعة واحدة كدة وفي غيابه انا متاكدة انه اول ما المدير بتاعي يرجع من الاجازة بتاعته هيقولي اصفي ,,,,,,, يا جماعة انا في الاول كنت بشتغل دلع عشان عايزة اعمل حاجة مفيدة وعشان عايزة احس بنفسي واستغل السكيلز اللي عندي انما الموضوع دلوقتي اختلف تماما انا بقيت اشتغل عشان اكل واشرب الحمد لله ,,, انا بجد تعبت انا بقالي 8 شهور كدة مش عارفة انام وانا مطمنة اني بكرة هكون في نفس المكان اللي انا فيه ,,, لا اله الا انت سبحانك اني كنت من الظالمين ,,,