ده يا جماعه بابا كتبهولى بمناسبه عيد ميلادى

شفوه وقوولى رأيكم


عيد ميلاد مين ... ؟ عيد ميلاد ست الحلوين

جايين نبارك ونهنى ..... ونشكر كمان كل القاعدين

دى حبيبتى كبرت وأحلوت .... وده عيد ميلادها العشرين

ده انا لما أشفها كده هلت اشم فل وورد وياسمين

ومش حقول على أدبها ..... الناس بكده كلها شاهدين

يارب بارك لى فيها وأحرسها .... وأبعد عنها الشياطين

يالا يا عين سمى وصلى وصنها يارب من الحاسدين

حا أحكى حكايه يارب تعجبكم .... يالا ورايا قولوا امين

يوم ما بشرونى بحبيبتى .... كان يوم 20 يونيو 1987

قبل ما يبشرونى بثوانى ... انا قلت ياربى بنات لأ ... انا مبحبش الأ بنين

ولما قلولى بنوته شبهك .... اسود وجهى وقعدت حزين

نزل بسرعه وحى ربى وقاللى يابنى ده ربك منحك كنز ثمين

وبسرعه بقيت استغفر ربى ... وقلت الحمد لله رب العالمين

وفعلا كانت رؤيه صحيحه .... والرزق فى ايدى بقى خمسين

قالولى صحابى يابختك بيها .... لما حتكبر بأيه تجازيها ؟

قلت كفايه عليها رضا الولدين

قالولى ايه تتمنى لما حبيبتك تكبر ويجلها عريس واتنين

قلت يارب أنا مش عايز واحد غنى .... او من عليه القوم المساكين

أنا عايز عريس مهره التقوى ويعيشوا فى سعاده ليوم الدين

يابنتنا يابنات العيله

يالا اعملوا لولاء هليله

وغنوا يالا وقولوا يا حليله

والله انا شايف ليله جميله

أصل حبيبتى دى هيا الحيله

وأنا ممنون لكل العيله

شكرا شكرا ودى كلمه قليله

جمعنا يارب وبارك فينا والله شيفها دى اجمل عيله



ها قولولى رأيكم بصراحه