مهندس الصيانه الله يكون فى عونه بيتعب تعب كبير جدا وبيحاول انه يستخدم كل خبرته وذكائه فى حل المشكلات المختلفه ، ولكن فى بعض المشكلات مستعصيه الحل قد تسبب فى بعض الاحيان مشاكل نفسيه للمهندس ..

ويحكي صديق لي انه في يوم كان يجلس هو و ( الشله ) ودخل عليم صاحبهم مهندس الكمبيوتر وكانت حالته ( تصعب على الكافر ) ، وبعد ما ريح شويتين وشرب ليمون حكى لهم بعض المشاكل الى واجهته..

- العميل : عند مشكله .. هتساعدنى؟؟

المهندس اتفضل يا سيدي .. تحت امرك .

- لوحه المفاتيح بتعتى مش عايزه تشتغل .

- يمكن عليها تراب ، حاول تنضفها .

- مانا نضفتها فعلا .

- نضفتها كويس ؟

- جدا .. مليت البانيو مايه وشامبو ، ونقعت فيهم الكيبورد لمده يوم كامل ، وبعديت فكيت الزراير زرار زرار ، وغسلت كل واحد لوحده .



واحد تانى كان عنده مشكله مع الفاكس ، وبعد ما المهندس حاول معاه لمده ساعه اكتشف انه بيبعت الفاكس على طريقه طنط ام فاروق بتاعت الفرح : بيحط الورقه الى عاوز يبعتها اودام الشاشه ويدوس زر ارسال !!

حقيقي المهندس كانت حالته قحط خالص .. اول ما اخينا الى فات قفل السكه اتصل واحد تانى عنده مشكله تنيا ، بتطلع له رساله ان الكمبيوتر بتاعه << مش لاقى الطابعه >> مع انه دور وش الشاشه ناحيه الطابعه وقعد يقو للكمبيوتر " اهيه قودامك .. انت اتعميت ولا ايه ؟! >> .

اما اخر عميل اتصل بيه فهو الى خلى اعصاب المهندس الغلبان تنهار خالص مالص ، اتصل يقول كنت بثبت برنامج .. حطيت اول ديسك وكل حاجه مشيا تمام ، وبعدين الجهاز قالى حط الديسك التانى ، ا لموضوع كان صعب شويتين لكن بعون الله قدرت احطه ، وبعدين ظهرت لي رساله بتقولى احط الديسك التالت ، وبقالى ساعتين بحاول لكن فتحه الضرايف ضيقه خالص ولا يمكن تشيل 3 ديسكات .

خرج المهندس بعد ما فضفض وريح اعصابه ، فا واحد بيقول المهندس دا صعبان عليا اوى ، د عليه واحد تانى قاله ما يصعبش عليك غالى ، انت ماا تعرفش الراجل ده عمل ايه الاسبوع الى فات ؟؟

- ايه ؟

أبدا يا سيدي ن الظاهر جاتله نوبه أكتئاب ، وقرر يرمي نفسه فى النيل ، وبعدين لقى الميه ساقعه فقعد ينده على خفر السواحل علشان يساعدوه .

- وفيها ايه ؟

- بدل ما يصرخ ويقوللهم << الحقونى الحقونى >> كان بيصرخ ويقو << F1..F1 >> .

0 ورغم ان بلدنا بلد الظرفاء الا ان الاجانب عندهم مواقف مضحكه ن فى مره عملو مسابقه لأسخف رساله بتظهر بعد ما المستخدم يعطي امر بالغاء ملف من الملفات ، فتطهر رساله تقول << هل انت متاكدا انك تريد الغاء الملف ؟ >> .

اما وجهه نظر الهاكرز فى عمليه القرصنه فهى وجهه نظر غريبه جدا ، والناس ما كانتش فاهماها كويس فى امريكا لغايه ما قبضو على واحد من الهاكرز بعد ما اقتحم شقه من الشقق ، وفى المحكمه دافع عن نفسه بكل فصحاه ورصان وقال :

أولا : لدي كل الحق ان ادخل هذا المكان ، فا اصحابه لم يضعو قفلا جيدا على الباب .

ثانيا : على واجب اقتحام هذا المكان لأبين لأصحابه ان القفل سييئ ومن السهل فتحه .

ثالثا : انا ماهر فى فاح الاقفال ، اى انى عبقري ذو فائده عظيمه للمجتمع .

وربنا يلطف بينا جميعا ...