"اضحك" لما تبقي راكب مترو زحمة ومش لاقي مكان تقف فيه....في ناس نفسها بس تحس إن في ناس حواليها :)


"اضحك" لما تحط إيدك ف جيبك ومتلاقيش غير 2 جنيه مغسولين .... كويس إن مامتك سابتهملك ف البنطلون :)


"اضحك" لما تحب حد جدآ و فجأة يسيبك و يمشي .... كفاية إنك حبيته بجد وقلبك دق شوية :) انت يعنى لازم تاخد كل حاجة ؟؟ :(
...
"اضحك" لما حد يستندل معاك.....قوله بضحكتك طظ :)


" اضحك" لما تبص ف ورقة الإمتحان ومتعرفش تحل....عشان لو ظهرت النتيجة ونجحت هتضحك إن جت معاك كده..ولو شيلت المادة هتضحك إنك خدت فرصة تانية تعلم نفسك :)


"اضحك" لو رجليك فقفقت من كتر اللف ع الشغل...كفاية إنك شميت هوا الشارع و إحساس ان ربك بيسعى معاك :d


"اضحك" لما تضحى كتير عشان خاطر حد ، و بعدين تلاقيه مش مقدّر اى حاجة انت عملتهاله


"اضحك" لما تشتري بطيخه وتطلع قرعة ..... مش أحسن ما كان اشتراها واحد غلبان ومبيشوفهاش غير مرة السنة للسنة :d


"اضحك" لما فجأة كده تتعب اوي...أكيد هيظهر علي موبايلك إسم حد كان واحشك :)


"اضحك" لما تحس إنك لوحدك...وخليك واثق إن في حد ف الجانب الأخر من العالم بيشاورلك وبيقولك استناني :)


"اضحك" لما تحب حد أوى ويطلع مش من نصيبك ، أكيد رينا كاتب لك الخير مع حد تانى .. هتعرف اكتر من ربنا ؟؟ :)