صعـــــــــــــــــــبوها عليكى يا بلدى


صعبوها عليكى يا بلدى
جرجروكى فى الميادين
شردو عيالك وقلبى
من اللى شافه لسه حزين
قلبى ببكى وعمرى بجرى
وحاسه ايدى مكتفين
ليه جراحى قايده نارى
ليه دموعى بقت انين
نفسى بيكى اخد بتارى
من اللى قالولنا يا مأجورين
نفسى بيكى اخد بتارى
من اللى فى شوراعك متسكعين
وفى خيرى غارقنين متمرمغين
كل مره بقول هجارى وضعى واعيش انا فى حالى
بس لما اشوف طعنك كلاب وتنهش عرضك غيلان
لما اشوف دمك فى الشارع جارى
لما اشوف ابنك يصرخ ويستنجد باخوه
واخوه يديله ضهره يدارى
قولى بس ازاى هانتكتم ساكتين
قولى بس ازاى هطاطى واعيش كما الخايفين
لا يا مصر انا مش هطاطى و ملعون ملعـــــــــون ابو الخاينين
ملعون كل من ظلمك واستضعفك يام الجموع ملايين
مش هاسكت انا وادارى
واموت شــــــــــــــــــــهيد
وماعش فى بلدى مدارى فى ظل خوفى
مستنى تجرى بينا السنين على فين ولا عارفين
***********
كل ده عشانك يا امى نفسى اعدى بيكى
على رقبه كل من باعك وعاش على دمك متهنين
نفسى اشوفك ورد ابيض فى الجنينه مفتحين
نفسى اشوف كل شبابك جوه حضنك مرتاحين
نفسى اعيش فيكى واحلم جوه حضنك الامين
بس قولى ازاى يا امى اوصلك لبر امين
وابعدك عن غدر سكين المجرمين
نفسى اعرف يعنى لما احلم وافكر
مش هالاقى فى وشى تانى السفاحين
مش هالاقى فى وشى تانى بلطجى بسكين
مش هاخاف على اهل بيتى وارجع الاقى احبابى فى الكفن راقدين
***********
قولى يمه طمنينى ان بكره جاى
قولى يمه طمنيى على اللى لسه جاى
فرحينى وقولى يابنى اللى فات اصبح رماد
عارفه يمه هااتقوليلى اللى جاى يعرفه رب العباد
بس نفسى احس انك لسه عايشه كلمينى
طمنينى وافصلى مسافه البعاد
كل يوم احكيلى حاجه صبرينى على ظلم العباد
حسيسنى انك انتى ياحره هاتصدمى مهما طغى الجلاد
وهاتفضلى رافعه راسك فوق صعاب الظلم والجراح
والحرب لازمها حـــــــــــــــداد
لازم هايجى اليوم يعرفوا انك يامصر
يام النيل والشعب المصر على الجهاد
عمر مايخونك عبيد ولا تضيعى فى فساد
عشان انا ابنك خايف على ولادك يقضوا العمر كله حداد
هكون انا ضهرك راضى أشيل بدالك الف طعنه
بس انتى تكونى بعيده عن الرماد
ومهما غامت السما لازم بينزل مطر ويبتدى عام الحصاد
وهاتوصــــــــــــــــلى
هاتوصــــــــــــــــــــ ــــــــــلى
مهما المسافه طالت عليكى يا مصر
هاتوصــــــــــلى للنصـــــــــــــــــــــ ــــــــــــر
وهايتمحى فى ارضك كلمه فســــــــــــــــــــــا د

بقلمى.....نيـــــــــــره