السلام عليكمووو

ازيكو يا نجعاويين

يا رب تكونون بخير

في كلمتين كده في زوري محشورين

ظهرت في الفتره الاخيره المسلسلات التركيه بشكل كبير جدا

ويمكن من اشهرهم مسلسل فاطمه و العشق الممنوع


انا اول معرفتي بالمسلسلات التركيه كانت بالعشق الممنوع

وكنت عمال اسمع عنه كلام كتير جدا

بس كنت ولا بهتم


بعدين قريت في الجرنال فتوي بتقول ان رؤيه المسلسل دا حرام


ام هند كنت هتجنن واعرف هو ايه يا جدعان المسلسل دا والي الدنيا كلها بتتكلم عنه

شفت بالصدفه كدا نص حلقه ولا يمكن ربع حلقه كمان...

ولقيته مسلسل غتيييييييت

ومش فاهمله حاجه

وبيتكلموا لبناني

وانا بكره المسلسلات المدبلجه اصلا.. قلت ايه دا يا جدعان

هو في ايه

وبعد ما خلصت حلقات المسلسل

قلت يا سلاااااام... الناس بقي هتنسي ونرتاح



هوبش جابولنا مسلسل فاطمه

وبرضوا لقيتلك يا معلم زبعميت واحد بيتكلم عنه..

خلاص هشد في شعري يا جدعان


وفي مره كنت عندك دكتور الاسنان.. وكان تقريبا العياده كلها بنات...

وجيه مسلسل فاطمه... ويا معلم لقيتهملك اترصوا كدا

وكله مركز.. حصل ايه.. ويختيي.. بصي بصي

وانا قاعد هو في ايه!!

لحد ما الدكتور انقذني من المسلسل ودخلت عملت اسناني

بيتهيقلي ان حشو العصب اسهل بكتير من المسلسل ...

وبعدين تلاقي البنات دلوقتي تقلك انا عاوزه واحد زي كريم.. ومش عارف شعره زي مهند..

وقفوا حالنا في الجواز يا معلم


بس يا معلم..

بالرغم اني مش طايق المسلسلات التركيه... بس انا ليا وجه نظر تانيا فيها

انا شايف انها طريقه احتلال تركيا لينا.. وانها مرحله من المراحل الي تاخد بيها دور قوي بدل مصر

زي ما كان زمان الافلام والمسلسلات المصريه في كل الدول العربي

فا تركيا بدأت تحتلنا بالمسلسلات بتاعتها..