السلام عليكم يا نجعاويه

انا قلت نفتح مناقشه هنا عن موضوع معين اكيد كل ارئنا فيه هتكون مختلفه باختلاف الاشخاص
ولكن لا شك اننا جميعا اخوه واخوات يقدر ويحترم بعضنا بعضا

السؤال انت مع ان مبارك ياخد عفو اكراما لحالتة الصحيه والبدنيه ولسنه الهرم ولا لاء

انا هقولها لوجه الله

طبعا كلنا عارفين ان الله لا يغلق باب التوبه مهما تعاظمت الذنوب
وان العفو والصفح صفتان امرنا الله بهما ولا يقدر عليهما الا من صحت نيته وهدات سريرته
وربنا قال فى محكم كتابه
وليعفوا وليصفحوا الا تحبون ان يغفر الله لكم
كمان من صفات المتقين الصادقين والعافين عن الناس والله يحب المحسنين
وانا شايف انه لا ضرر علينا او على الوطن من الرجل فالرجل عليل وبالكاد يعى ما حوله
وانا شايف انه فى اواخر عهده وفى ادبار من الدنيا واقبال من الاخره
لذلك لو صدر عفو عنه انا مش هعمل حاجه وهوافق عليه من باب
ان الصفح جميل وان الله يحب التوابين شرط ان يعلن انه كان خاطئ ومخطئ فى حق البلد ومن اوكله الله لرعاية شؤنهم ويعلن توبته امام الجميع

لكن لا عفو ولا صفح عن ابنائه ووزرائه ومساعديه لانهم خطر على الامه وعلى البلد
فهل حد موافقنى الراى ولا لاء
ومتنسوش الصفح والرحمه مقدمين عن العقوبه
وان الله لا يغلق باب التوبه مهما تعاظمت الذنوب
وان الصفح جميل