السلام عليكم يا اهل الخير والبر

انا قلت الحق اعمل الموضوع ده قبل جهازى ما يموت ويودع الدنيا

المهم يا جماعه
طبعا النهارده كلنا صحينا الصبح على نبأ موت مبارك وكده
انا مش مهم عندى ان الخبر صحيح او كاذب فطبعا كلنا هنموت فى لحظه معينه قضاها لنا الله رب العالمين ومفيش بشر لا هيتقدم ثانيه ولا هيتاخر ثانيه عنها

المهم انا قلت فى بالى يا واد با بشمهندس يا احمد ولا بلاش بشمهندس دى عشان مكبرش نفسى

قلت ياااااااااااه قد ايه الراجل ده ظلم وهان امه بحالها بس برده انا قلت اكيد بل مؤكد مؤكد مؤكد
ان الراجل ده له حسنات مغموره فى بحاااااااااااار ذنوبه
وطبعا اولا واخرا حسابه على ربه
بس جه فى بالى حاجه وهيا كلمه عامه معظمنا درج عليها وهى انه امايشوف راجل مفترى ومتكبر يقوله
والله ياخى عمر ربما ما هيسامحك ولا هيغفرلك وفى نار جهنم مصيرك
صح كام واحد مننا سمع الكلمه دى فى حياته اكيد كتير طبعا

بس انا اقسمت عليكم ماتقولوا الكلمه دى فى حق حسنى مبارك عشان ممكن بسبب كلمه زى دى عملنا يحبط
انا فى مره سمعت درس لشيخنا وعالمنا الجليل ابو اسحاق الحوينى شفاه الله وحماه كانت فى المضمون ده
وسمعت منه نص حديث فى ما معناه
انه كان هناك رجل ظالم فقال له احدهم
والله لا يغفر الله لك
فسمعها الله من فوق سبع سماوات وقال جل تعالى من ذا الذى يتألى عليا فقد غفرت له واحبط عملت اى غفرت لراجل الظالم واحبط عمل اللى قال الكلمه دى
وطبعا كلنا عارفين الحديث الشريف الذى فى ما معناه
ان الرجل ليعمل الزمن الطويل بعمل اهل الجنه حتى لايكون بينه وبينها الا ذراع فيسبق عليه الكتاب فيعمل بعمل اهل النار فيدخلها
وان الرجل ليعمل الزمن الطويل بعمل اهل النار حتى اذا ما كان بينه وبينها الا ذراع فيسبق عليه الكتاب فيعمل بعمل اهل الجنه فيدخلها
وطبعا محدش يقدر يحكم بحد على جنه ولا نار لا بشر ولا نبى مرسل ولا ملك مقرب
هذه اختص الله بها نفسه وحده فقط تبارك وتعالى

وبالنسبه لحسنى مبارك فما يدرينا لعل الرجل تاب بينه وبين ربه وقبله الله

ومتنسوش ان الله لا يغلق باب التوبة مهما تعاظمت الذنوب

وممكن يكون مرضه ده تخفيفا من ذنوبه الى عملها فى حياته صح ولا ايه

ومتنسوش اوعوا تقولوا والله ربنا ما هيغفرله ومتتألوش على الله تعالى

وربنا يغفرلنا جميعا