السلام عليكم


بصوا بقا عشان انا مخنوق وقرفان لسبب واحد والله عشان الجماعه الاخوانجيه
ومش عشان ان مرسى نجح ولا شفيق نجح ولا خسر
انا بتكلم عن افعال وتصرفات الجماعه دى وعلى رأسها المهندس محمد مرسى

باختصار كده

كلنا تابعنا وعرفنا ان الجماعه دى نزلت الشارع تحتفل وتهلل من تانى يوم انتخابات ومن قبل الفرز حتى ما يبتدى
واما الفرز ابتدى لقيناهم يا خويا منزلين كتاب وطبعين منه الاف النسخ يوزعوها فى الشارع امتى وازاى الله اعلم


وطلعت مؤتمرات صحفيه وغير صحفيه تهلل وتبارك فوز محمد مرسى بالرئاسه من غير الفرز ما ينتهى


طيب ازاى يا بشر يا عاقلين يا اللى معظمكم اساتذه جامعه ومهندسين ومحاسبين واطباء ومحامين يعنى ناس متعلمه كويس ومثقفه تعملوا كده انا مش عارف

وكمان انا ليا واحجد صحبى شغال فى السلك القضائى هو اخو واحد صحبى يعنى وهو شغال قاضى اما شاف الكتاب بتاع الاخوان دول قال انا كنت ماسك لجنه والارقام اللى منزلنها فى الكتاب بتاعهم ده مش هو الرقم اللى انا اديته للمناديب

وطلع مشتشار كبير امبارح فى التى فى يقول لوائل الابراشى المحترم كل الارقام اللى الخوان منزلنها فى كتابهم دى مصدرها غير قضائى يعنى واخدنا من الصحافه والاعلام
ومفيش قاضى سلم نتيجه لجنته الا لمناديب المرشحين وهما بيصوروها ومش اصول يعنى سهل التلاعب بالصور وتصويرها من جديد لكن الاصول بتتسلم مختومه ومشمعه للجنه العليا

وحاجه كمان

ايه ده اما اللى اسمه مرسى ده يعمل مؤتمر يقولهم والننبى
قولوا لام احمد انى طالع فى التليفيزيون
الله يخرب بيت كده فين هيبه الدوله يا محترم ياللى المفروض انك بتقول انك رئيس جمهوريه
فكرتنى الناس اللى بتقف ورا المذيع ولا المذيعه اللى بتعمل برنامج فى الشارع وماصدق انه طلع فى التى فى
ياخى عيب عليك ده انت دلوقتى المفروض وجهه بلد وهيبه دوله
اتقى الله فينا وفى البلد


واحب اقولكم حاجه
لو اللجنه العليا علنت فوز شفيق وده الاقرب للحق
ابشركم بنااااااااااااااااااااااا اااار مولعه فى البلد هتولع كل حاجه
عشان الجماعه المحظوره واللى عملته فى البلد هتقولك تزوير وتهيج الدنيا والبلد تولع وتقوم ثوره تانيه
وحسبى الله ونعم الوكيل فيكم يا بعدا \

وال ايه قال الله وقال الرسول والحكم بما انزل الله

ياعم حرام عليك والله

لا موقف ثابت ولا راى ثابت ومتلونين كالحرباء


وانا بقولها اهو وبعلنها
يسقط يسقط حكم المرشد
يسقط يسقط حكم المرشد


وربنا وافتكروا كلامى بعدين


احنا شلنا حزب وطنى مبارك
وجبنا حزب وطنى اخوانى بس بجلابيه قصيره ودقن صغيره محدده


وسعادة الرئيس الجديد


محمد مرسى مبارك


اهنيك على فوزك بالدراع بالنتيجه يا مهندس

وبوضع اليد على حتة مصر يا غالى




ومعلش عشان انا مش بعرف اكتب بالفصحى اوى يعنى


واخيرا




محمد مرسى مبارك

ربنا يخلصنا منك ومن جماعتك على خير







محمد مرسى مبارك