احنا هنعمل مسابقه ان شاء الله
ودا بشكل عام شكل المسابقه
نزلناه هنا علشان لو حد ليه اي ملاحظات او اقتراحات





السلام عليكم

ازيكم يا نجعاويين .. يا رب تكونوا بخير


احنا عملين مسابقه صوغيره كدا للنجعاويه بمناسبه الصيف و الحر الي احنا فيه دا

وان شاء الله جوايز المسابقه هتكون عباره عن كروت شحن.. هيتم ارسال رقم الكارت للفائر برساله خاصه



المسابقه فيها 4 اقسام



النجعاوي المتين.. والنجعاويايه المتينه

ودي هتكون لافضل خمسة اعضاء وافضل خمسة عضوات عندنا في النجع خلال فتره المسابقه قاموا بتنزيل مواضيع ومشاركات مفيده في النجع
(من الاخر كان نشاطهم جامد في النجع)
والجايزه كارت شحن ب 10 جنيه



دعوة عضو
ودي كل عضو عندنا في النجع هيقدر يجيب عضو جديد وتوصل عدد مشاركاته 250 مشاركه خلال مده المسابقه
ويكون عالاقل عمل 20 موضوع

والجايزه كارت شحن ب 10 جنيه

كمان لو العضو الجديد دا كسب اي حاجه في المسابقه .. العضو الي جابه عندنا هنا هيكسب نفس قيمه الجايزه بتاعته

يعني مثلا لو انت جبتلنا عضو ظوريف كدا

وعمل ال 250 مشاركه هتكسب كارت شحن ب 10 جنيه
ولو العضو دا من خلال مشاركاته كسب افضل عضو هتاخد كمان كارت شحن ب 10 جنيه

ولو كسب في أفضل موضوع هتكسب كمان كارت شحن ب 10 جنيه

(واحنا نفلس )



أحسن موضوع
ودا احنا هنختار احسن موضوع نزل في النجع خلال فتره المسابقه
ولازم طبعا يكون موضوع جديد و منسق بشكل يسهل قراءة الموضوع
والجايزه كارت شحن ب 10 جنيه



افضل موضوع للركن البمبي

هنختار افضل 5 مواضيع نزلت في الركن البمبي
واركانه الفرعيه من مشاركات العضوات وابتكارتهم
يعني مثلا شرح عمل مفرش بالكروشيه - عمل أكله ... وغيرها
اهم حاجه انها تكون من ابداعات العضوه



افضل فرقه

الفرقه تكون مكونه من 3 اعضاء علي الاقل
الاعضاء هنا يجمعوا بعض فيها بالاتفاق ويعملوا فرقه
تهتدف لتنشيط قسم معين او تنزيل سلسله مواضيع و ردود
الفرقه الفائزه هتكسب قيمه شحن ب 50 جنيه
بالاضافه لأمكانيه ان عضو منها يكسب افضل عضو او افضل عضوه


وفي مكافأه خاصه للفرقه اذا كان نشاطها متميز جدي

-----


شروط المسابقه

المسابقه هتبتدي من يوم تنزيل الموضوع
ولحد اخر رمضان ان شاء الله

كل عضو يقدر يكسب اي عدد من كروت الشحن بدون حد اقصي (ابسط في معلم)

ممنوع عمل اكتر من عضويه للمشاركه في المسابقه (وعندنا نظام مخابراتي بيقفش الموضوع دا)

كل عضو هيشارك هيكتب رد في الموضوع هنا و يقول انه مشارك معانا فيه - وهيشارك في ايه بالظبط

احنا هنشوف مشاركات كل عضو في المسابقه و هنقيمها.. ولضمان عدم حدوث اي سهو.. كل عضو مشارك يبعت في رساله خاصه كل المواضيع الي حابب انه يشارك بيها معانا

من حق الاداره انها تلغي اي جايزه لو ما وصلش للمستوي المطلوب