السلام عليكم

النهارده بقا قلت ياواد يا ابو حميد ما تيجى نضحك ونضحك شويه الناس معانا يمكن نرسم ابتسامه على قلب حزين ووجه مهموم ونخفف عنه
قلت يبقى نعمل موضوع نقول فيه مقلب عملناه فى حد عن طريق الهزار يعنى وازاى عملناه ونتيجته كانت ايه او مقلب حد من صحابنا عمله فينا وكانت نتيجته ايه برده وانا واعوذ بالله من قولة انا هبدأ بنفسى عشان اشجعكم

مره كده من ييجى خمساشر تمناشر سنه واحنا اطفال يعنى كنا متفقين اننا نطلع حمله على البيت اللى جمبنا عشان فى جنينه حلوه وفيها شجرة توت بطلع توت جميل اوى فاتفقنا انا وعيال عمى واد اسمه كريم وبت اسمها مروه وكام عيل كده من اصحابنا اننا نطلع الحمله دى وفعلا طلعنا الحمله وكل واحد مجهز كده كام طوبه على كام عصايا نحدف بيهم الشجره عشان ننزل التوت اللذيذ بتاعها وفى عز الاكل الجامد ده الاقى العيال كلهم اختفوا فجاه وسابونى لوحدى معرفش ليه والاقى اللى حاطط ايده على كتفى وقافشنى وبيقولى والله لوريك وكان ساعتها شناباته ولا شنبات محمد رضا الله يرحمه فى فيلم تلتين يوم فى اسجن ساعتها مخبيش عليكم قعدت ايط وصرخ على حد ينجدنى ملقتاش فالراجل قالى انت ابن مين ياوله قلتله يا عمو انا من البيت اللى جمبكو ده المهم ساعتها سابنى بس بعد ما كان بيتهيالى انه كان هيويدنى للراجل ابو رجل مسلوخه وروحت الحمد لله سليم وقابلت عيال عمى واتخانقت معاهم عشان محذرونيس ان الراجل جاى قالتلى مروه انا قلتلك يا احمد وانت ميمعتنيش وكريم قالى انا خدت ديلى فى سنانى وهاتك يا جرى ده لو مروه نفسها كنت هسيبها

المهم قلت والله لعمل فيك مقلب يا ابو الكرم
المهم تانى يوم من الحادثه دى كالعاده كنا مجتمعين احنا التلاته انا ومروه وكريم عندنا فى البيت نلعب وكده فكريم قالى انا عاوز اشرب قلتله ماشى من عنيا يا حبيبى فرحت وكل شر وانا مصمصم انى اعمل فيه مقلب يطلع من حبابى عنيه
تعمل ايه يا ابو حميد تعمل ايه
بس مفيش غيرها لقتها انا عارف انه اما بيجى يشرب بيشرب الميه كده بسرعه وعلى مره واحده
فقمت جايب الكوبايه الكبيره وحاطط فيها بدل الميه خل
وبكل شر وثقه وهدوء رحت ادتهاله وانا عمال ابص لمروه واغعمزلها ففهمت ان الميه فيها حاجه وعمنا ده اخد الكوبايه
وهووووووووووووووووووب على بقه مره واحده
وبعدها عينك متشوف الا النور الاقى الواد وشه احمر وبعد كده ازرق ورجع الخل من بقه والكوبايه وقعت على الارض اتكسرت ومش عارف ياخد نفسه وعنيه احمررررررررررررررت على الاخر وفرفر
يانهار اسود ساعتها بجد انا حسيت ان الواد بسموت بجد رحت انا ومروه ماسكين فى بعض وعمالين نسرخ ونعيط من ناحيه من الخوف وهو عمال يشونق مش عارف ياخد نفسه وفجأه اذ بالمنقذه اختى الكبيره تيجى جرى واول ما شافت الواد قالت يانهار اسود مالك يا كريم وهو مش عارف ينطق وبصتلنا انا ومره وكنا لسه ماسكين فى بعض وبنصرخ ماله الواد عملتوا فيه ايه معرفناش ننطق بكلمه واحده
قامت بسرعه راحت مسكاه ومطلعاه على البلكونه وهيا بتنفخ فى وشه وجابت كوبايه ميه ورشتها عليه وعلى راسه وشربته بق ميه بالعافيه
وبتنفخ فى وشه وفين وفييييييييييييييين اما اتنفس ووشه رد تانى ورجع لطبيعته ساعتها سمعت اختى بتتشاهد وتقول الحمد لله
ساعتها انا ومروه هدينا وقعدنا نضحك ونقول احسن هييييييه هييييييييييه احسن احسن
هههههههههههههههههههه
راحت مسكانى اختى وضربناى وقالتلى الله يخرب بيتك انت وهيا كنت هتموتوا اخوكم وبتقول احسن احسن فى عينك انت وهيا وراحت ضربه مروه كمان وفضلنا نعيض
ساعتها صاحبنا هو اللى قعد يضحك علينا
ههههههههههههههههههههههههه هههههههه

بس بجد حسيت ساعتها انى شرير اوى انا والبت مروه

هههههههههههههههههههههه

يلا بقا اللى عنده مقلب كده حلو ييجى يقوله عشان نضحك شويه