اهلا ومرحبا بكم من جديد فى حلقه جديده من عمايل ايدا وحياة عنيا

طبق النهارده
مكرونه صينى ومن مطبخى
جربوها طعمها لذيذ وكلها فوائد صحيه





المقادير

بصله
اربع فصوص توم
نص كيلو صدور دجاج مقطعه مكعبات
باكو مكرونه انا بفضل المكرونه الشرايح اللى بنعململها فوتوتشينى وممكن تستخدمى اى نوع
حبيتين كوسا
حبتين طماطم
حبتين جزر
واحدة بصل اخصر
4 ورقات كرنب اخضر او احمر كله يمشى
حبتبن فلفل رومى
قرنبن شطه
4 معالق بقدونس مفروم وكزبره خضرا مفرومه
لو حبيتى اضافة اى نوع تانى ضيفى مش هيخسر
انا اضفت بسله وفاصوليا كمان
3 معالق اكل صوص صويا حلوه ولو مبتحبيش تكون حلوه اوى فى صوص صويا بطعم معتدل
ملعقة شاى ملح .فلفل اسود . ملح صينى هتلاقيه ف السوير ماركت بإسم (عجينه موتو) . بهار مشكل . كارى , طبعا معلقة شاى من كل نوع ومكعب ماجى

الطريقه

طبعا كل حاجه هتتقطع شرايح البصل والتوم وجميع الخضروات
هنقلى البصل والطماطم تشويحه بسيطه على النار وهضيف مكعبات الدجاج واغطيها خمس دقايق واضيف الصويا والملح والفلفل وجميع التوابل والماجى واسبها عشر دقايق على نار هاديه
اضيف الجزر وبعديه جميع الخضار وايبهم خمسه
صفت بعد كده الطماطم وبعدهم البقدونس والكزبره
وفى الأثناء دى كنت بسلق المكرونه ويدوب تدخل ف السوا وطفيت عليها وصفيتها
واخر حاجه ضفتها على خلطة الخضار وقلبت كويس لمده خمس دقايق وطفيت النار
والف هنا وشفا على قلوبكم بانجعاويه