زى اليومين دول من كام سنه
كنا وكنت هنا
وكان فى حاجه حواليها بتلمنا
تقدر تقول احساس المكان
الراحه الدفء الامان
تقدر تقدر كان هنا حضن قدر يضمنا
زى ام ربت وحبت
ولمت فى حجرها ولادها
واتبعترت اللمه فين الام
مين اخدها
مين خلاها تلطم خدودها
مين سرق الحضن مننا
مين خلانا نتغرب
طبع الزمن؟
ولا هو لكل شىء تمن
ودفعنا تمن سعادتنا
دلوقتى حتى مبقاش صدى لصوت ضحكنا
وذكرى فى اسم جنب كلمتين لواحد
كان عايش هنا