أخى وأختى فى الله

لاقيت الموضوع دة على النت وكتبته باسلوبي لانى حسيت بمدى أهميته

ساعات بتشوف منام جميل وأول ما تقوم من النوم تحكيه لوالدك ووالدتك وزوجتك وأخواتك وووووووووووو......................

ومن جماله ممكن تحكيه للبقال؟



أنت فاكر طبعا إنك بتسعد اللى حواليك ..... او بتخليهم يتعاطفوا معاك لو المنام لاقدر الله مخيف ومرعب

كل دة وانت مش واخد بالك من اللى ممكن يحصل لك



تعالى اقولك الأخطار اللى ممكن تحصلك



أولاً : لو المنام اللى شفته جميل وحكيته لجارك أو زميلك فى الشغل أو ابن خالتك .... ممكن جدا يحسدوك وأنت مش واخد بالك ....

هو انت دخلت قلوب الناس؟



أقولك دليل على كلامي ؟؟؟؟؟؟؟؟
سيدنا يعقوب عليه السلام قال لابنه سيدنا يوسف عليه السلام لما شاف الرؤيا اللى كلنا عارفينها
﴿قَالَ يَا بُنَيَّ لاَ تَقْصُصْ رُؤْيَاكَ عَلَى إِخْوَتِكَ فَيَكِيدُواْ لَكَ كَيْداً إِنَّ الشَّيْطَانَ لِلإِنسَانِ عَدُوٌّ مُّبِينٌ﴾ [يوسف:5]

بيحذره من قص منامه على اخواته .....

طب تقول ايه فى الناس الغريبة؟



وهاقولك مثال بسيط .......... تخيل معايا إن أخت مسلمة متزوجة شافت إنها تزوجت من رجل تاني غير زوجها ....
وبعدها حكت المنام لجارتها
وجارتها حكت المنام لزوجها اللى مسكتش وأول ما شاف زوج الأخت اللى شافت المنام ....... لوك لوك لوك لوك لوك ........
وحكاله على المنام


هاسيبك تتخيل ايه اللى ممكن يحصل



ثانياً : بفرض إنك شفت منام مش حلو ..... وحكيته لكل الناس ووقع فى طريقك واحد فاكر نفسه أكبر مفسر فى الدنيا وفسره تفسير صعب ومخيف
( والعياذ بالله)



طبعا هاتعيش فى قلق وحزن وممكن تكتئب كمان


ثالثاً : ...... ممكن تعرض نفسك لمواقف محرجة واللى حواليك يفهموك غلط .....

مثلا أخت شافت رؤيا إنها عارية .... الرؤيا تدل على الإخلاص والطيبة ، لكن ممكن واحد جاهل يفسره على إنها قليلة الأدب


مثال تاني : أخ رأى فى المنام إنه بيحسد جاره مثلا .... الرؤيا بتدل على علم نافع هايعلمه أو مال طيب سينفقه فى سبيل الله تعالى .......... لكن ممكن جدا يتفهم على إنه إنسان حسود وشرير




رابعاً : ممكن تتعرض لمضايقات وابتزاز ......

مثلا أخت رأت فى منامها رمز جنسي ويكون التفسير كويس وجميل ، لكن زميلها فى العمل سمعها واستغل المنام فى ابتزازها ومضايقتها وفساد حياتها




خامساً :لو شفت منام جميل وحكيته لحاسد او حاقد ممكن يمنع خير كان ربنا كاتبه ليك والنبي صل الله عليه وسلم له حديث قال فيه «أكثر من يموت من أُمَّتي بعد قضاء الله وقدره بالعين» (حديث حسن - صحيح الجامع)

وكلنا عارفين العين

وتأثيرها القوى فى بعض الأحيان

ولو المنام لاقدر الله كان سئ واتفسر بشر ممكن يتحقق لحديث النبي صل الله عليه وسلم
«الرؤيا مُعلَّقة برِجْل طائر ما لم يُحدِّث بها صاحبها، فإذا حدَّث بها وَقَعَت» (حديث صحيح – رواه أحمد).





والله (تعالى) أعلى وأعلم .