+ إنشاء موضوع جديد
النتايج 1 إلى 10 من 18

الموضوع: لوكانده النجعاويه

مشاهدة المواضيع

المشاركة السابقة المشاركة السابقة   المشاركة التالية المشاركة التالية
  1. #1
    نجعاوي على وشك الصورة الرمزية خيال هاني
    تاريخ التسجيل
    Aug 2009
    المشاركات
    10,292

    الاصلي لوكانده النجعاويه


    لوكانده النجعاويه

    مدير الوكانده : ساندو



    الريسبشن : لولو


    حارسة الأمن : شوشو



    اللي بيجيب الزباين من المحطه : صيحو


    الزبونه : بنت العمده







    ومن هنا بدأ الحوار






    صيحو : واقف مستني قطر الساعة واحده ونص لما يوصل
    صيحو : لوكانده السعاده أجدع لوكانده
    لوكانده السعاده يعني أحلي قعده
    لوكانده السعاده يعني لوعايز تتخمد بسلام

    لوكانده السعاده...................وفجأة
    بنت العمده: إنت ياللي بتنده تعالي هنا
    صيحو : أنا يا مدام؟
    بنت العمده: مدام؟؟
    إنت إنتصيت في نظرك أنا مد..
    صيحو : خلاص خلاص إيه الراديو ده مش إنتي
    كل الموضوع إني كنت عايز نعرف حاجه وخلاص عرفتها
    بنت العمده: نعم بتقول حاجه
    صيحو : لا أبدا بكلم نفسي
    بنت العمده: طيب أنا عايزه سكن في اللوكانده اللي صدعتني بيها
    صيحو : أيوه جاااااااااااااااااااااااا ااي فين الشنط
    بنت العمده: أهي وقف تاكسي وشيل يلا
    صيحو : يا لهوي يا جدعان جه الوقت اللي صيحو باشا يشيل فيه الشنط يا خرابي تعالي اتفرج يا عم هاني
    وراح مطلع السيجارة المارلبورو من فوق ودانه والولاعه المفتخره هههههه اللي جاية من فرنسا يا
    صيحو (شكلك ضيعتها )
    بنت العمده: مش ده شغلك؟؟
    صيحو : بصلها وعدل وشه وبص لشيال المحطه :خد تعالي ياله شيل الشنط دي عبال ما نلاقي تاكسي
    بنت العمده: عجايب
    صيحو : يلا يا ست الكتكوته عشان خنقتيني


    ووقف تاكسي ووصل الوكاندة وعند الأستقبال وقفتهم
    شوشو حارسة الأمن




    شوشو: وقف عندك منك ليها إيه هي لوكانده من غير بواب
    صيحو يقول ل شوشو: زبونه سقع إيدك عالسبيك
    شوشو: طب إنصرف إنت و إتصرف مع المديرة
    صيحول بنت العمده: ده أنتي هتشوفي العجب أشوف وشك بخير سلام
    شوشو: أهلا بالزبونه الجديده
    بنت العمده: أهلا وسهلا
    شوشو: يلا بقي علشان إختبارات الأمن والسلامه و الحوادث والكشف الطبي
    بنت العمده: نعم
    شوشو: أعلي صوتي؟
    بنت العمده: يعني إيه ؟؟؟؟؟؟؟؟ بصي ريحي نفسك وأندهيلي المديرة
    شوشو: أمال داخله لوكانده إزاي واضح إن دي أول مره ليكي
    بنت العمده: إندهيلي المدييييييييييييييييييييي ييييي ييييييرة
    شوشو: خلااااااااااااااااااااااا ااااا اااااااااااص الله !! يلا يا عسل عالسوبرشن
    بنت العمده: سوبرشن؟؟؟؟؟؟؟؟؟؟
    شوشو بصوت واطي : جهل بعيد عن الناس
    بنت العمده: مش هنخلص
    شوشو: لأ لسه فاضل جهاز كشف الكدب
    بنت العمده بعصبيه : خلصي
    شوشو: طيب متزعقيش كده


    وعند الريسبشن




    شوشو ل لولو: صباح الخير يا عسل
    لولو:لخصي يا إشطه
    شوشو: معايا زبونه
    لولو: إصطبحنا وإصطبح الملك لله
    بنت العمده ل لولو: صباح الخير لو سمحتي عاوزه أوضه
    لولو:مشغوله في أوراق : لا والله مش موجوده نقولها مين
    بنت العمده: إيه اللي مين أنا عايزه أوضه
    لولو: أأأأأأأأأأأأأأه طيب - وجابت دفتر:
    إسمك وسنك وعنوانك ورقم تليفون البيت والموبايل ورقم بطاقه التموين و إسم عمك ورقم تليفون جوز خالتك

    بنت العمده: إيه ده هو أنا داخله أمن دوله
    لولو: بتهزري؟ أهم يا حبيبتي .. إنتي داخله لوكانننننننننننننده
    بنت العمده: أه واضح إني مش هخلص فين المديرة
    لولو:رمت الدفتر علي جنب : المديرة الذي طلبتيها غير موجودة بالخدمه حاولي في وقت لاحق
    بنت العمده: بقي كده طيب


    وإشتغلوا مع بعض زعيق وخناق والذي منه
    وربنا يستر عليهم بقي اصل احنا عارفين خناقة البنات
    المهم....






    شوشو دخلت لقتهم كده راحت داخلت ل ساندو اللي كانت مشغولة في التليفون


    ساندو في التليفون : لالالالالا إنتي مش فاهماني أصلا أنا كده كده مكنتش رايحة الفرح ده
    شوشو: يا سياده المديرة
    ساندو بصتلها وكملت في التليفون : تورته ؟؟؟ تورته إيه
    شوشو: سيادتك
    ساندو : علي فستان العروسه ؟؟ يا نهار أبيض دا أنا فاتني نص عمري
    شوشو: يا فندم
    ساندو : ودي هتغير الفستان إزاي أكيد نضفوه وخلاص
    شوشو: عمتتتتتتتتتتتتتتتتتتتتتتي
    ساندو : دي بجد حاجه تكسف كويس إني مرحتش
    شوشو جابت أخرها : إنتي يالي بتقبضينا
    ساندو : خلاص سلام دلوقتي يا روحي -- وراحت خابطة السماعه
    ساندو ل شوشو: عايزة إيه
    شوشو: ولا حاجه
    ساندو : نعم ولا حاجه؟
    شوشو: أصلي مش عارفة أجبهالك إزاي
    ساندو : هاتهالي ملفوفه في ورقة سلوفان.. لخصي يا قمورة
    شوشو: الريسبشن
    ساندو : ماله
    شوشو: بصي أنا هواجهك واللي يحصل يحصل تعالي معايا
    ساندو : يادي النيله تعالي معايا؟؟


    وفي الريسبشن






    بنت العمده ل لولو: هوريكي
    لولو: هتشوفي
    ساندو : إيه اللي بيحصل ده
    لولو:دي هيه اللي.......
    بنت العمده: لأ إنتي
    ساندو : خلاص خلاص
    بنت العمده علي الأخر وبأعلي صوت : إنتي المديرة؟؟
    ساندو : أيوه هدي نفسك خديها يا شوشو طلعيها أوضه 27
    شوشو: والله انا غلطانة يا ستي بشتغل لناس مبتقدرش خلاص يا ستي انامش شغالة
    ساندو : وبعدين!!!
    شوشو: أمري لله





    يتبع




    م/ن

    رد بالفيس توك يا معنمممم

    التعديل الأخير تم بواسطة خيال هاني ; 5th August 2012 الساعة 11:47 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •