السلام عليكم ورحمه الله وبركاته

إخوانى الأعزاء كما تعودت بينكم ان اقول ما فى نفسى


انا عايز اقول إن مرسى مش هيطبق شريعه ومرسى مش حاكم إسلامى أصلا وبصرف النظر عن الكام صوره إللى إتصورها وهو بيصلى وهو بيبكى وهو بيعمل عمره الحاجات دى كلها تناقض تماما مايفعله على أرض الواقع

هذا الرجل تبرأ من دينه وتنكر عندما خرج فى أكثر من لقاء يوضح انه لن يطبق الشريعه لن يكون إسلاميا بل وصل الأمر إنه يقول مالناش دعوه بالحجاب إللى عايزه تتحجب تتحجب وإللى مش عايزه براحتها والخمور مالناش دعوه بيها كل شىء زى ماهو والسياحه محدش هييجى جمبها

فى أثناء ما الناس فرحانه بإقاله طنطاوى وغيره بيذبح ناس أبرياء فى سيناء كل ذنبهم إنهم فجروا خط الغاز للصهاينه وياريت قبل ما تتهموهم بقتل الجنود المصريين تجيبوا أدلتكم الحقيقه وليس إللى فصّلهالنا الإعلام لو سمحتوا ومتنسوش كويس إن الإعلام ضللنا فى كل حاجه إشمعنى هيصدقنا فى دى

انا عايز أقول غن الإخونج دول إللى مقرأش تاريخهم هينخدع فيهم الناس دى عندها إستعداد تتحالف مع أى حد فى سبيل المصلحه والكلام ده من مذكراتهم هم مش من دماغى ولا من تأثير الإعلام والله

وعايز أقول إنهم دلوقتى مش بس بيخلصوا من القيادات بتاعه الجيش مش علشان عيوننا لا علشان هما بيشكلوا خطر على أهدافهم وبرضوا من ضمن الناس إللى بيشكلوا خطر على أهداف الإخونج هما الجهاديين لإنهم فاهمين كويس الإخونج دول وعارفين إن إللى هما بيعملوا ده مالوش علاقه بالدين نهائيا

ياريت قبل مالناس تتعصب وتتهمنى إنى من الخوارج ولا من المدخله زى مافى بعض الناس إللى عارفانى هنا بالفعل عملت ياريت يفوقوا شويه ويقولولى هدفنا الرئيسى كان إيه ؟؟؟ فاكرين حمله انا مسلم ؟؟؟؟ كان هدفها الرئيسى إه يا إخوانى ؟؟؟؟ كان هدفها الشريعه مش كده ؟؟؟؟ طيب وهى فين

هتقولولى بالراحه بس وواحده واحده طيب ممكن سؤال بس هنفضل لحد إمتى بالراحه وواحده واحده إذا كان إللى بتقولوا عليه رئيسنا ده قال إنها مش وقتها وإنه من الصعب أصلا تطبيق الشريعه دلوقتى

يا إخوانى لما سأل احد الناس رجل من السلف الصالح وقاله كيف اعرف أنى فتنت (من الفتنه) قاله إذا أصبح ماكنت تراه بالأمس حراما اليوم تراه حلالا فإعلم انك فتنت

يا إخوانى مرسى مش بيعمل حاجه علشان خاطر عيوننا والله مرسى مبيخلصناش إحنا من العسكر مرسى بيخلص نفسه وجماعته منهم لإنه خايف من الإنقلاب إللى هيحصل عليه مرسى بيخلص جماعته برضوا من الجهاديين بتوع سيناء ..... ومحدش يقولى دول تكفير وهجره لإن صواريخ الطيارات مبتفرقش بين تكفيرى وغير تكفيرى وعلى فكره مصطلح تكفيرى بقى بيطلق على المجاهدين علشان تلبيس الأمور

يا إخوه كتير منكوا هنا يعرفنى شخصيا ولله الحمد انا مش تبع جماعات ومش بتفرج على تليفيزيون ولكن هناك فى سيناء ناس اهل ثقه بلغونى إنها حمله شعواء ضد كل من يقول لا إله إلا الله من الجهاديين

انا عايز أرجع لموضوع الشريعه تانى يا جماعه لو الشريعه بتتطبق بالإنتخابات والرئيس والديموقراطيه ليه ربنا سبحانه وتعالى مأنزلش ده فى القرءان ؟؟؟؟ ولا هو ربنا سبحانه وتعالى مكاناش يعرف (تعالى الله عما يصفون)
يا جماعه ربنا أمرنا فى القرءان بحاجات علماء اليومين دول مخبيينها عننا والله

يا جماعه كل إللى نعرفه فى القرءان أيات محدده بمنهج محدد بيتقالنا دى بس

(وإدع إلى سبيل ربك بالحكمه والموعظه الحسنه)
طيب فين (وجاهدوا الذين يلونكم من الكفار)

طيب لو هو الموضوع بالموعظه الحسنه بقىلا والإنتخابات والديموقراطيه طيب كان لزمتها إيه غزوه بدر ولا غزوه أحد ولا أى غزوه من الغزوات طيب ماكان يبقى فى معاهدات بقى ورسول الله صلى الله عليه وسلم يعمل إنتخابات وديموقراطيه او نتنزل عليه فى الوحى مثلا مادام هو ده تالسبيل

ولا محمد مرسى هيعرف يعمل إللى معملهوش رسول الله صلى الله عليه وسلم

إخوانى إللى يعرفنى فيكوا وإللى ميعرفنيش تانى هقولكوا والله انا ماليش تبعيه لفئه معينه واسف على الإطاله ولو حابين نكمل كلام فى الموضوع ده انا تحت أمركوا وبالله عليكوا بلاش توزيع الإتهامات علشان دى بتإذينى اوى

شكرا ليكوا