عنوان غريب مش كدة ؟


انا هدخل فى الموضوع على طول ...

طبعا احنا عارفين اد ايه النجعاوى فينا بيتعب اوى فى كتابة الموضوع .. وطبعا كل هدفه انه يفيدنا ويسعدنا بمواضيعه .. واكيد بيتمنى لو مواضيعه تعجب كل الناس ... ولكن شعوره بأن مواضيعه جميعها لاتعجبك .. هذا هو الاحباط


مش هطول عليكو بس انا كل اللى عايزة اقوله هو ان احنا لما ندخل على اى موضوع ايّاً كان سواء ترفيهي .. ثقافى .. اجتماعى .. الخ

المهم ان الموضوع ده عجبنا ... قشطة بس صاحب الموضوع اللى زي ما اتفقنا فى الاول انه بيتعب نفسه علشان يوصل للى يفيدنا ويسعدنا يفاجأ فى الاخر بان عدد المشاهدات مثلا : 100 وعدد المشاركات 10


اكيد انا مش بقول ان اللى بيشاهد ده لازم يعجبه الموضوع ولازم يشارك ... دى حرية راى يمكن مايعجبكش الموضوع ده رايك وحضرتك حر ... بس ع الاقل حضرتك تشارك برأيك فى رد .. والله حتى لو كلمة واحدة ( شكرا ) دى بتفرح كاتب الموضوع .. وبتبيّنله انك مهتم بمواضيعه حتى لو مش عاجباك وبتحفزه انه يكتب مواضيع كمان وكمان ...

لكن لما يكون الاخ ياعينى تعبان وطالع عينه علشان يكتب الموضوع .. حتى لو هو ماتعبش فيه .. بس ع الاقل شارك ولو حتى مش عاجبك الموضوع .. كلمة شكرا مش متعبة


او حتى اكتب مثلا : معلش انا ليا رأى تانى ، انا اختلف معاك فى هذا

وطبعا ماتنساش بردو كلمة شكرا فى الاخر ... لاحظ انه كتر خيره انه تعب علشان يوصلك الموضوع ..



لكن فى الحقيقة عدم مشاركتك ده بيديله ايحاء ان الموضوع مالوش اى لزمة ... وكأنك بتقوله (( عذراً مواضيعك لا تعجبنى ))



وبالتالى بيحس انه تعبه مالوش اى لزمة حتى لو ماتعبش بس بعد كدة هيحبط ويمكن ماعادش يكتب مواضيع اصلا




وشكرا اتمنى يكون عجبكم الموضوع