حوار تلفزيونى مع ملحد !!
******************
_ ومعانا الشاب الملحد ونحب نتعرف عليه ونقوله سلاموا عليكم
_ وعليكم السلام أنا عبد الهادى
_أزى حضرتك يا أفندم
_ تمام الحمد لله
_ممكن حضرتك تحكيلنا تجربتك مع الألحاد
_والله أنا بحب أشكر ربنا وأقول هذا من فضل ربى
_ بص المفروض حضرتك ملحد يعنى مش مؤمن بربنا أصلا
_ أستغفر الله العظيم أيه اللى بتقوليه ده ياست المذيعه ،الألحاد ده أصلاُ طبقات
_أزى ديه بقه يا أفندم ما هو يامؤمن بربنا ياكافر
_كافر؟! ،أستغفرى ربنا الله يكرمك قال كافر قال
_هو مش حضرتك ملحد
_أيوه الحمد لله ملحد
_ملحد بقه أزى ؟!
_ما أنا لسه قايل لحضرتك الألحاد درجات يعنى أنا الحمد لله مش بصلى مش بصوم مش بزكى بشرب خمره بشرب حشيش وبقرأ ،أبقه ملحد ولا مش ملحد يامتعلمه يابتاعة المدارس ؟!
_تبقه مش ملحد طبعاً تبقه لا دينى مش مؤمن بالدين لكن مؤمن بربنا
_أستغفر الله العظيم أنتى عاوزنى أكفر ولا أيه ،بصى ياستى ربنا يهديكى أنا ملحد والله ملحد
_ طب أيه هو الألحاد ؟
_ أنى مصليش وكده يعنى وأعمل اللى أنا عاوزه وأسب الدين براحتى
_وتفتكر ربنا هيحاسبك أزى
_ربنا أصلاً غفور رحيم،ربنا يهديكى ياست المذيعه ربنا يهديكى