الطفلة:الو
الامرأة:ازيك يا حبيبتى فين الوالدة؟
الطفلة:مفيش عندنا واحدة والدة
الامرأة:لا لا عيب لاسمح الله ربنا يخليهالكم
الطفلة:ايه اللى انتى بتقوليه دة بقولك مفيش عندنا واحدة والدة
الامرأة:انتى اسمك ايه يا شاطرة؟
الطفلة:عرفتى منين ان انا شاطرة؟
الامرأة:باين عليكى صغيرة
الطفلة:ازاى لما انا اطول منك اساسا
الامراة:طيب ياللا ادينى ماما
الطفلة:ليه هى مامتك عندنا؟
الامراة:خلاص نادى مامتك
الطفلة:انا مامتى معندهاش نادى
الامرأة:يا رب صبرنى
الطفلة:يصبرك يعنى يخليكى صبار؟ طب بشوك ولا من غير شوك
الامرأة:ادينى حد كبير
الطفلة:كبير فى الحجم ولا الطول ولا العمر
الامرأة:ادينى برميل اتكلم معاه
الطفلة:يالهوى عايزة تتكلمى مع برميل بس البرميل جماد
الامرأة:لما اجيلكم ابقى ادينى حد كبير
الطفلة:ماتجيش دلوقتى علشان اصحابى هنا لما يمشوا ابقى تعالى
الامرأة:طب بس لما اشوفك هاعملك بطاطا
الطفلة:بطاطا مسلوقة ولا مشوية فى الفرن...... على فكرة فى حاجة مزعلانى
الامراة:خليها تزعلك لغاية ماتنفجرى زى البالونة
الطفلة:ايه لون البالونة اللى هنفجر زيها
الامرأة(تصرخ):فين الوالدة؟
فتاخد الام التليفون من الطفلة
وتقول:الو مين معى؟
الامرأة:يا ساتر ايه البنت دى طلعتلى قرن فى راسى
الام:قرن غزال ولا قرن ثور
الامرأة: قرن ثور
الام:ايه حجم الثور
الامرأة تقفل السماعة وتروح لبيت صديقتها.......وترن الجرس
فتقول الام للطفلة:قومى شوفى مين على الباب
تقوم الطفلة وتبص من العين السحرية وتقول لمامتها مفيش واحدة على الباب فى واحدة وراه
الام: خلاص خليها ترن على الجرس زى ما هى عايزة
الطفلة:جرس البيت ولا جرس المدرسة
الام: جرس البيت
الطفلة:البيت دة ولا البيت الجديد اللى بنيناه
الام:البيت دة
وفجأة لقوا الامراة ماتت عند بيت صديقتها بسبب ارتفاع حاد بضغط الدم والسكر وانفجار بالمرارة وتمزق بالمصران الاعور.