-السلام عليكم
-وعليكم السلام

-أنت مين؟؟
-أنا *******(اسمي) من بني البشر.

-عايش فين؟؟
-هنا في الكرة الأرضية...في الكون دة اللي كلنا عايشين فيه.

-وإية اللي جابك هنا؟؟
-ربنا خلقني هنا.

-وربنا خلقك لية؟؟
-علشان أعبده...أنفذ أوامره وأبتعد عن نواهيه.

-وأنت فعلا بتعمل كدة؟؟ قصدي بتعمل اللي ربنا خلقك علشانه؟؟-
............................

-هتعيش كام سنة؟؟
-محدش يعرف هو هيعيش كام سنة...ممكن الإنسان يموت في أي لحظة.

-طيب استعديت للحظة اللي هتموت فيها دي؟؟
-............................

-عندك كام سنة دلوقتي؟؟-

19 سنة وحوالي 7 شهور.
-وعموما كدة عمر الناس بيبقى حوالي كام سنة؟؟
-في حدود 60 سنة ولا حاجة.

-يعني أنت خلصت حوالي تلت عمرك..دة على فرض إنك هتعيش 60 سنة مش أقل... تقدر تقولي عملت إية في تلت عمرك دة؟؟-.
..........................

-بتعصي ربنا لية؟؟
-غالبا ساعتها بتبقى المعصية شكلها حلو كدة وهتسعدني.

-وهل فعلا لما بتعصي ربنا بتبقى سعيد؟؟ خاصة بعد ما تنتهي المعصية؟؟
-لا أبدا...دايما بتقلب غم ونكد وهموم.

-طيب لما بتقرب من ربنا...بيبقى حالك عامل إزاي؟؟
-ببقى سعيد جدا جدا ومرتاح جدا وكل حاجة في حياتي ماشية تمام.

-طيب ولية بقى بتعصي ربنا ومش بتمشي في طريق الطاعة؟؟
-زي ما قلتلك أحيانا بحس إن المعاصي شكلها حلو وكدة...بس دايما بكتشف إنها مجرد قشرة خادعة كدة من برة وبتقلب غم ونكد بعد كدة..
وكمان طريق الطاعة بيبقى أوله صعب..والإستمرار فيه صعب كمان.

-طيب ردا على النقطة بتاعة طريق الطاعة دي...تقدر تقولي تاني..
أنت مخلوق لية؟؟
هتعيش قد إية؟؟
والجنة أو النار هتقعد فيها أد إية؟؟
-

ربنا خلقني علشان أعبده
وهعيش بالكتير حوالي ستين سنة أو قريب من كدة زي ما ربنا يقدر
أما في الجنة أو النار فإما هعيش للأبد في نعيم الجنة أو إلى الأبد في عذاب النار.

-
طيب تقدر تقارنلي بقى بين ال 60 سنة دول ونعيم إلى الأبد في الجنة أو عذاب إلى الأبد في النار؟؟
-بيقولوا في الرياضيات أي عدد يقسم على مالا نهاية هيدينا صفر
يعني لو قسمنا 60 سنة على مالا نهاية اللي هي مدة الحياة في الجنة أو النار هيدينا صفر
يعني الحياة دي ولا حاجة بالمقارنة بالدار الاخرة.

-تعرف إية عن الجنة؟؟
-أعرف إن فيها مالا عين رأت ولا أذن سمعت ولا خطر على قلب بشر.. يعني مهما حاولنا نتخيل أو نوصف هي هتبقى أحلى بكتير جدا..
أقل واحد فيها عنده قد الدنيا دي بحالها عشر مرات
مبنية طوبة من دهب وطوبة من فضة...والحصى فيها من اللؤلؤ
وفيها كل المشروبات والمأكولات وأكتر بكتير وأحلى بكتير من كل اللي نعرفه
وفيها الحور العين التي يقول عنها سيدنا عبد الله بن عباس:"لو ان حوراء اخرجت كفها بين السماء والأرض لافتتن الخلائق بحسنها و لو اخرجت نصيفها لكانت الشمس عند حسنها مثل الفتيله في الشمس لا ضوء لها ولو اخرجت وجهها لأضاء حسنها ما بين السماء و الأرض"
وفيها نقابل إن شاء الله الأنبياء والرسل والصحابة والعلماء وغيرهم
وأعظم نعيم فيها أننا سنرى الله عز وجل.

-وتعرف إية عن النار؟؟
-أعرف إنها أعظم من النار اللي في الدنيا دي بحالها ب69 مرة يعني لو جيبنا نار النجوم والشموس والبراكين والمعادن المنصهرة وغيرها هتبقى جزء من سبعين جزء من نار الاخرة
حالكة الظلام...حتى إن اللي موجود فيها هيعتقد إن كل الناس خرجت منها ومفيش حد غيره فيها
هيعيش فيها للأبد
الشراب:
"وَإِنْ يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ"
والطعام :
"ليس لهم طعام إلا من ضريع لا يسمن ولا يغني من جوع"
واللبس:
"فالذين كفروا قطعت لهم ثياب من نار يصب من فوق رؤوسهم الحميم يصهر به ما في بطونهم والجلود ولهم مقامع من حديد كلما أرادوا أن يخرجوا منها من غمي أعيدوا فيها وذوقوا عذاب الحريق"
"سرابيلهم من قطران وتغشى وجوههم النار"

-طيب وعايز تقضي حياتك اللي إلى الأبد دي...في الجنة ولا في النار؟؟-أكيد في الجنة.

-طيب يبقى إية المطلوب؟؟
-أبتدي من الأول خالص...
أحذف الماضي السيء دة من حياتي وابتدي من الأول..
أتوب لربنا وأجدد إيماني ومعملش أي حاجة غلط بعد كدة
معملش غير الصح...
علشان أعيش سعيد إن شاء الله في الحياة دي...وكمان بإذن الله أعيش إلى الأبد في الجنة.

-طيب بالمرة بقى سؤال كدة...هي الجنة دي كلها زي بعضها؟؟ يعني كل اللي هيدخلوا الجنة هيبقوا زي بعض؟؟-
أكيد لأ .. كل واحد أفضل من التاني ولو بحسنة أكيد ربنا هيجازيه أفضل من اللي حسناته أقل وكدة.

-يعني الحسنة الواحدة يوم القيامة هتفرق...مش كدة؟؟
-أيوة أكيد.

-طيب يبقى أحسنلك بقى مضيعش وقت...
خلي يومك كله طاعة لله
حتى العادات والأمور الدنيوية اللي بتعملها..خلي فيها نية صالحة علشان تاخد عليها ثواب إن شاء الله.
ولا أنت عايز تدخل أي درجة في الجنة وخلاص؟؟
-
لا لأ إن شاء الله هحاول أوصل لأعلى درجة بإذن الله.

-طيب متنساش بقى إنك أنت اللي -بإذن الله طبعا- تقدر تحدد المكان اللي هتعيش فيه للأبد في الاخرة..
إختار بقى الدرجة اللي تعجبك...

-أيوة ماشي بإذن الله هحاول أوصل لأفضل مكان علشان أعيش فيه للأبد بإذن الله
منقول