السلام عليكم

ازيكو يا نجعاويين

حبيت كدا اشارك معاكم تجربه شخصيه عن تخسيس البطن

انا من كتر القاعده علي الكمبيوتر و مفيش رياضه و اكل غير صحي بالمره

طلعلي كرش كدا عظيم جدا

وعلي رأي المثل.. الراجل من غير كرش... زي جوجل من غير سيرش

رحت مركز تخسيس وعملي جلسات بالسلندر

كان ممتاز جدا

سعر الجلسه كان 10 جنيه باين وبعدين بقت ب 15 جنيه...

وفي ناس تانيا بتعملها ب 50 جنيه


المهم انا خلصت الكورس الاول وكانت الدنيا زي الفل وبعدين رجع تاني الكرش

فاا رحت تاااني وجلسات تاني...

المهم قعدت انخرب كدا علشان اعرف الجهاز بيتباع فين

سألت جنب كليه الطب في العباسيه

وكان سعر الجهاز 600 جنيه

بعدين نزلت عند القصر العيني وقعدت ادور ادور ادور

لقيت اسعار متفاوته كتير

المهم ربنا كرمني و جبته من القصر العيني

انا جربته بقالي اسبوعين اهه

والنتايج حلوه جدا ما شاء الله


انصحكم تجيبوا الجهاز دا

هيفرق معاكم

ولو حد عنده تجربه بيه يا ريت يقلي عليها