أزيكم عاملين ايه .. ؟ يارب تكونوا ف أتم صحة وحال

زي ما هو واضمن اسم الموضوع

توجيه رسائل الياهو إلى مجلد مخصص (فلتر الرسائل)
هشرح لكم النهارده حاجة اه مش جديدة بصراحة أعرفها من زمان وبعتذر أني مشرحتهاش من بدري ..
أوقات بنكون مشتركين في جروب .. أو عندنا أصدقاء كتير وبيبعتوا لينا رسايل كتير
ع الميل وبسبب كثرة هذه الرسائل .. بتتوه مننا رسائل مهمة أو شخصية

النهارده هنتعلم نعمل فلتر للرسائل بحيث أنها تروح لمجلدات (فولدرات) معينة
أو تتحذف على طول برضه .. زي ما نحب

نبدأ بسم الله ..

أولاً هندخل ايميل الياهو بشكل طبيعي
بعدين نروح إلىاختيار Options ثم Mail Options
خيارات .. خيارات البريد


::



::

نختار من Options على اليمين Filters

ثم Add لإضافة فلتر جديد



::



هنا هتلاحظي 4 اختيارات
Senders ودي معناها المرسل (تكتبي هنا ايميل المرسل لو تعرفيه)
Recipient ودي معناها المستلم (مش هنحتاجها)
Subject دي بقى معناها الموضوع (عنوان الرسالة يعني ودي مهمة جداً)
Email Body دي بقى معناها نص الرسالة (يعني كلمة أو عدة كلمات معينة داخل الرسالة)

::


هتلاحظ كمان أن في اختيارات قدام كل اختيار منهم
Contains معناها تضم أو تحتوي على
Does not contain معناها لا تحتوي على
Begins With معناها تبدأ بــ
Ends With معناها تنتهي بــ

::


بعد ما فهمنا معناهم هناخد مثال نطبق عليه
أنا دلوقتي مشتركة في جروب مجلة معينة بيبعت لي رسايل كتير وعايزه اعمله فلتر بحيث كل الرسائل
بتاعت الجروب ده تكون بداخل فولدر مخصص

لاحظ ف الرسالة بيكون في From و في أيضاً Subject
هنكتب في خانة الـ Subject في الفلتر عنوان مواضيع الجروب المجلة دي
أما Form هنا بمعنى من مين ؟؟ أو المرسل مين ؟؟
يعني ممكن تظهرلك ايميل ولو حبينا نعمل الفلتر بإيميل وليس عنوان موضوع
هنكتب الايميل في خانة Sender ف الفلتر

::


1- نكتب عنوان للفلتر
2- نكتب في خانة Sender أي المرسل الإيميل الخاص بالجروب أو الشخص
ونختار Contains بمعنى أن الرسالة تحتوي على هذا الإيميل
3- نكتب في خانة Subject عنوان موضوع الجروب اللي دايماً بيكون مكتوب في رسائلهم
(زي ما وضحت ف الصور السابقة)

ونختار Contains بمعنى أن الرسالة تحتوي على اسم الموضوع ده
4- نختار من خانة هذه الخانة الفولدر المراد تحويل الرسائل عليه ونظراً لأن هذا فلتر جديد هنختار New Folder
::


بعد اختيار New Folder اي مجلد جديد

::


هتظهرلك الصورة دي هنكتب ف الخانة اللي حددتها بالأصفر اسم المجلد الجديد
ولازم يكون بالإنجليزي لأنه لا يقبل العربية

::


بعد ما ملأنا البيانات اللي حددتها بالأصفر
نضغط ع الشمال على كلمة New Filter وذلك لحفظ الإعدادات
::


تم حفظ التغييرات وبقى عندنا فلترFilter لجروب المجلة اللي أنا مشترك فيها

::


::

وهتلاقي الفولدر بتاع الفلتر اللي عملناه
تحت خانة Inbox


::
::

وإن شاء الله تلاقي الرسائل بتيجي ف انتظام كل رسالة في مكانها المخصص
كما حددت لها

وَ أَخِيْراً أَرْجُوْ أَنْ يَحُوْزَ هَذَآ الْعَمَلُ عَلى رِضَـاكُمْ وَ آسْتِحْسَانْكُمْ ,

دَعَوَاتْكُمْ تَكْفِيْنِيْ ,

وَصَلِيْ الْلَهُمَ وَ بَـارِكْ عَ سَيِدُنَـا [ مُحَمَدْ ] وَ عَلى آلِهِ وَ صَحْبِهِ وَ سَلِمْ ,

*,



المصدر: فتكات
العضوة Tota Tota * Abeer هي صاحبة المشاركة